Dewleta Tirk a dagirker ji bo herêma Bradostê bi temamî dagir bike, bi PDK’ê re planên qirêj digerînin.
Hate ragihandin ku PDK’ê wê di bin ala Iraqê û bi cilên parazvanên sînor de, tevî leşkerên Tirk êrişî gerîla bikin.
Lewra ji bo valakirina herêma Bradostê 24 saet dane welatiyan.
Dewleta Tirk ji bo herêma Biradostê bi temamî dagir bike, bi hevkarê xwe PDK’ê re planên nû digerînin.
PDK’ê 13’ê Îlonê 200 wesayitên xwe yên zirxî veguhast qadên gerîla yên li herêma Biradostê.
Di 14’ê Îlonê de jî êriş bir ser çeperên gerîla.
Ji bo heman herêmê PDK niha di nava lîstikên nû de ye.
Ji bo êrişê herêm ji şeniyan tê valakirin
Çavkaniyan ragihandin ku PDK’ê ji hemû şeniyên li deverê xwestiyê herêmê vala bikin û ji bo yekê jî 24 saet dane.
Qeymeqamê Sîdekanê ji xelkê xwestiye di demek zû de herêmê biterikînîn.
Wek sedem jî ji xelkê re gotiye, ‘wê aloziya leşkerî çêbibe.’
Herwiha îro berpirsê Îdareya Serbixwe ya Soran Helgurd Şêx Necîb jî di daxuyaniyek çapemeniyê de got:
Hişyarkirina şeniyan mijarek ewlekarîyêye û nikare derbarê mijarê de agahî bide.
Armanca valakirinê jî ewe ku xelkê herêmê şahîdiya siyaset û plana gemar ya PDK-Tirkiyê bi hevre pêktîne nekin.
Piştî valakirina herêmê, ê diyar kirin ku wê li ser herêma Sîdekan a Bradostê êrişek xeternak were destpêkirin
PDK wê di bin ala Iraqê de tevî leşkerên Tirk êrişî gerîla bikin
Tê gotin:
Çekdarên PDK’ê wê di bin ala Iraqê û bi cilên parazvanên sînor de, tevî leşkerên Tirk êrişî herêmê bikin.
Wê hemû hêzên PDK’ê cilên parêzvanênsînor yên artêşa Iraq’ê li xwe bikin.
Ji bo ku bidin nîşandayîn ku Iraq bi xwe êrişê pêktîne, wê hejmarek kêm a çekdarên wê alên Iraq’ê hildin
Hêzên 80’ê ku taybet girêdayî PDK’ê ye jî wê bi çekên giran di êrişê de cîh bigirin.
Di heman demê de artêşa Tirk a dagirker jî wê êrişên hewayî pêk bîne.
Herêma navborî ji ber ku cihên stratejîk ên dijî dagirkeriya ji bejahî ye, li pêşiya dewleta Tirk a dagirker bûye astengiyeke mezin.
Îro PDK dixwaze wê astengiyê ji holê rake û artêşa Tirk a dagirker li wan herêman bi cih bike.
Dewleta Tirk dixwaze dagirkeriya xwe berfirehtir bike
Armanca dagirkirina herêmê ewe ku artêşa Tirk hêj zêdetir xaka herêmê dagir bike û bi sînorên Tirkiyê ve zêde bike.
Lê tevî ku ev yek tê zanîn û Serokkomarê Tirkiyê Erdogan bi devê xwe bi dehan caran gotiye
‘Heya Kerkûk û Mûsilê jî axa me ye’, lê Iraq bê denge û bi vê bêdengiya xwe ji êrişan re bûye zemîneke mezin.
