Civata Giştî ya NY a 78. li bajarê New York a DYA despê kir.
Serokên bêtirî 190 welatên li cihanê beşdarî rûniştinê bûn.
Tevî rojevên sereke yên cîhanî û avhwayê tê texmînkirin Ukrayna jî bibe rojevek sereke.
Civata Giştî ya 78. a Neteweyên Yekbûyî (NY) ya ku serok û nûnerên 193 welatên endam beşdar dibin de despê kir.
Serokên dewlet û nûnerên welatan wê di çalakiyên bilind ên ku wê hefteyekê bidomin de hatin gel hev.
Civat her meha Îlonê li Navenda Giştî ya Neteweyên Yekbûyî tê lidarxistin.
Hevdîtinên ku îro despêkirin wê heta 26’ê Îlonê bidomin.
Di civînan de wê serokên dewlet û hikûmetan, wezîr û heyetên welatên endamên NY civînên dualî jî pêk bînin.
Kevneşopiyek ku di sala 1955’an de di Civata Giştî ya 10’emîn a NY de hate damezrandin îro jî berdewam dike.
Axaftina yekem ji aliyê Brezîlyayê ve tê kirin.
Serokê Rûsyayê Vladimir Putinn, Serokê Çînê Xî Jinping û Serokê Fransayê Emmanuel Macron îsal beşdarî Civata Giştî ya Neteweyên Yekbûyî nabin.
Her wiha hat ragihandin ku Serokwezîrê Brîtanya Rishi Sunak beşdarî civînê nabe.
Serokê Lijneya Giştî ya NY her sal tê hilbijartin.
Dîplomatê Trinidad û Tobago Dennis Francis di sala 2023 de ji bo vê postê hate hilbijartin.
Mijarên sereke yên rojeva civata giştî ya 78. a NY
Rojevên sereke yên cîhanê û têkoşîna li dijî guherîna avhewayê dê di rojeva civatê de ye.
Tê payîn ku şerê Ukraynayê jî bibe rojeva girîng.
Konferansa ku welatên endamên NY wê çawa bigihêjin “armancên pêşveçûna domdar” ya rêxistinê, duh dest pê kir û wê îro bi dawî bibe.
Hin ji van armancan bidawîkirina birçîbûn û xizaniya cîhanê, başkirina dahat û perwerdehiyê li çaraliyê cîhanê, û zêdekirina gihîştina ava paqij û paqijiyê ne.
Civîna Bilind a Armancên Avhewayê ya NY wê sibê bê lidarxistin.
Armanca lûtkeyê lezkirina çalakiyên ji bo têkoşîna li dijî guherîna avhewayê ye.
Di Civata Giştî ya NY de jî konferans li ser fînansekirina pêşkeftina aborî, têkoşîna li dijî nexweşiyan û bêçekbûna nukleerî têne lidarxistin.
