Nejwan Ebdullah ku di 8’ê Tebaxê de di encama êrişa balafira bêmirov ya dewleta Tirk ya dagirker de şehîd bû, doh li Silêmaniyê bi merasîmek girseyî di çilrojiya şehadeta xwe de hat bîranîn.
Li Silêmaniyê bi amadebûna malbat, endamên Tevgera Azadî û gelek çalakvan û welatiyan merasîma çilrojiya şehîdbûna Nejwan Ebdullah bi nasnav Helgurd hat lidarxistin.
Di merasîmê de peyamek hat xwendin. Di peyamê de hat gotin ku rejîma Erdogan bi dehan çalakvan, rojnamevan û azadîxwazan xistiye girtîgehan yan jî şehîd xistiye.
Piştre li ser navê malbata Şehîd Nejwan, birayê şehîd Pêşewa Serkewt peyam xwend û got ku Şehîd Helgurd li ser fikra birêz Abdullah Ocalan xwe pêşxist, daxwaza wî Kurdistanek azad bû.
Birayê Şehîd diyar kir wek malbata şehîd heta Kurdistanek azad ewê li ser rêbaza Şehîd Helgurd (Nejwan) û tevayî şehîdên rêya azadiyê bimeşin.
Piştre sînevîzyonek li ser jiyana Şehîd Helgurd hat nîşandan.
Di dawiya merasîmê de şehadetname pêşkêşî dayîka Şehîd Nejwan Dayê Semîre hat kirin.
