Ji ber kiryarên wî yên di dema serokatiyê de, serê Donald Trump ji belayan xelas nabe.
Di çapemeniya Amerîkayê de, hat îdiakirin ku Trump zanyariyên veşartî yên derbarê çekên nukleerî de bi karsazekî v Awistralyayî re parve kiriye.
Di medyaya Amerîkî de tê gotin, Serokê berê yê Dewletên Yekbûyî yê Amerîkayê DYA Donald Trump agahdariya nehênî li ser keştiyên nukleerî yên Amerîkî bi karsazek Awistralya re parve kir.
Ev yek jî piştî dawîbûna erkê wî yê serokatiyê li klûbek taybet a Florida kiriye.
Rojnameya New York Times ya nûçeya xwe spartî çavkaniyekî navê wî nehatî eşkerekirin, got:
Kesê ku Trump pê re hevdîtin kiriye Antony Pratt yê serokê mezintirîn şîrketa pakkirinê ya Awistralya ye.
Li gorî nûçeya ABC Newsê ku yekem car nûçe belav kirî, Pratt di Nîsana 2021’an de li klûba xwe ya li Palm Beachê bi Trump re hat ba hev.
Di raporê de hat îdiakirin ku Trump, di bersivê de, ji Pratt re jimara rast a serikên nukleerî yên ku keştiyên binderyayî yên Amerîkî bi rêkûpêk hildigirin û tam çiqasî dikarin nêzî keştiyên binav ên rûsî bibin parve kiriye.
ABC News jî ragihand ku Pratt piştre ev agahiyên hestiyar bi xebatkarên xwe, bi dehan rayedarên biyanî û çend rojnamevanan re parve kiriye.
Çavkaniyên ku ji Times re axivîn diyar kirin ku daxuyaniyên Trump “bi îhtîmaleke mezin fîloya nukleerê ya Amerîkayê dixe xeterê.”
Ji ber vê yekê serê Trump di belayê de ye.
Dibe ku li ser mijara dosya derbarê Trump de, dadgeh gazî Pratt jî bike.
