Serokê Amerîka Joe Biden bo piştevaniya Îsraîl û Ukrayna ji Kongreyê daxwaza zêdekirina alîkariyê dike.
Biden got: Em ê rênedin terorîstên mîna Hemas û zordarên weke Putin serbikevin.
Tê gotin, alîkariya ku Biden ji bo welatên navbûrî dixwaze, 14 mîlyar dolar e.
Serokê Dewletên Yekbûyî yên Amerîkayê Joe Biden wê ji bo piştevaniya Îsraîl ya di şerê li dijî Hemas û Filistînê, de ji Kongreyê budceyeke mîlyar dolar bixwaze.
Joe Biden piştî gera xwe ya Îsraîlê li Koşka Spî daxuyanî da û îdia kir ku “Hemas hewl dide demokrasiya Îsraîlê tine bike.”
Budceya qala wê tê kirin, wê îro di Kongresê de bikeve dengdanê.
Biden vê yekê weke gava herî mezin ya ji bo parastina Îsraîlê ku heta niha nehatî dîtin binav kir.
Serokê Amerîka ev daxwaz weke veberhênaneke ji bo ewlehiya nifşê nû yê Amerîkayê binav dike.
Biden di axaftina xwe de ti jimar neda.
Ji aliyeke din ve wî îşaret bi pêwistiyên jiyanî yên xelkê Xezayê jî kir.
Biden diyar kir ku “pakêta ewlehiyê” ya ku Kongreyê ji bo fînansekirinê xwestiye wê serweriya leşkerî ya Îsraîlê xurtir bike û wiha dewam kir,
“Em ê teqez bikin aktorên din ên dijmin ên li herêmê bibînin ku Îsraîl ji her demê bihêztir e û rê li ber belavbûna şer bigirin.”
Biden: Em ê rê nedin Hemas a Teror û Putinê zordar serkevin
Biden, diyar kir ku Hemas û Serokê Rûsyayê Vladimir Putin xwedî taybetmendiyên hevpar in û got,
“Hamas û Putin gefên cuda ne, lê yek tişta wan a hevpar heye; her du jî dixwazin cîranên xwe yên demokratîk bi temamî tune bikin.”
Biden roja Çarşemê serdana Îsraîlê kir û got,
“Em nikarin mirovahiya Filistîniyên bêguneh ên ku tenê dixwazin di nav aştiyê de bijîn û xwedî derfet bin, paşguh bikin.”
Di vê navberê de, li gorî Reutersê, dema êrişa Îsraîl a bejahî li Xezayê nêz bûye.
Artêşa Îsraîlê li ser sînorê Xeza yê dorpêçkirî leşker û alavên din kom kiriye.
