Li Swîsreyê hilbijartina Meclîsa Federal wê 22’ê Cotmehê pêk were.
Kurdên ku dixwazin bi jimareke hîn zêdetir di meclisê de cihê xwe bigrin jî bi israrin.
Rêveberiya Swîsre ji meclisan pêk tê.
Ji vana yekemîn Meclîsa Kantonê (Ständerat) ku ji 46 endaman pêk tê û ya din jî Meclîsa Neteweyî ya bi 200 endaman e.
Parlamenterên ku di serdema 52. de bê hilbijartin wê heta 2027’an kar bikin.
Meclîsa Federal a Swîsreyê xwedî avahiyek pir bi îstîkrar e.
Ji sala 1919’an de, ew ji hêla Partiya Gel a Swîsreyê (SVP), Partiya Demokrat a Lîberal (FDP), Partiya Demokrat a Xiristiyan (CVP) û Partiya Sosyal Demokrat (SP) ve hatiye damezrandin.
Di her du hilbijartinên dawî de, di nav partiyên rastgir û çepgir de dubendî çêbûn.
Keskan (Grün) û Keskên Lîberal serkeftineke mezin bi dest xistin û bûn hêzeke bibandor.
5 hezar 909 kes dikevin pêşbirkê
Li gorî daneyên ji aliyê Saziya Îstatîstîkê ya Federal ve hatin ragihandin; Li 20 kantonan 5 hezar û 909 kes ji bo kursiyên Meclîsa Neteweyî dikevin pêşbirkê.
Ev jimar 1264 kes e, ango ji sedî 27, ji çar sal berê zêdetire.
Taybetmendiyeke din a vê hilbijartinê jî piraniya namzetên jin e.
Rêjeya jinan di nava namzetan de ji sedî 41’e.
Ji sedî 39’ê nifûsa Swîsreyê ji koçberan pêk tê.
Rêjeya beşdariyê di hilbijartinên borî de ji sedî 45 bû.
Di hilbijartinê de bi giştî 37 namzedên Tirk û Kurd hevrikiyê dikin.
Armanca Kurdên çalak ew e ku bêtir parlamenteran bixin parlamentoyê.
Kongreya Civaka Demokratîk a Kurd a Swîsreyê (CDK-S) ji bo hilbijartinan Komîsyona Hilbijartinê ava kir.
Demek dirêj e Komîsyona Hilbijartinê kar dike.
Dengdana bi rêya nameyan qediya
Hilbijêran ji 23’ê Îlonê ve bi rêya posteyê dest bi dengdayînê kirin.
Dengdana bi rêya postê di 17’ê Cotmehê de bi dawî bû.
Hilbijêrên ku dengên xwe nedane dikarin heta 22’ê Cotmehê roja Yekşemê biçin ser sindoqên ku li şaredariyan hatine danîn û dengên xwe bidin.
