Endama Konseya Rêveber a Komaleyên Jinên Kurdistanê KJK’ê Çîgdem Dogû behsa têkoşîn û rêxistinbûna jinê kir û got:
“Rêxistinbûn pîvaneke bingehîn a Îdeolojiya Rizgariya Jinê ye.
Weke tevgera jin di çarçoveya xeta 3’emîn de armanca me pêkanîna şoreşa jinê ye”
Endama Konseya Rêveber a Komaleyên Jinên Kurdistanê KJK’ê Çîgdem Dogû beşdarî bernameyeke Jin TV bû û qala girîngiya rêxistinbûna jinê kir.
Çîgdem Dogû got:
“Rêxistinbûn pîvaneke bingehîn a Îdeolojiya Rizgariya Jinê ye.
Di hemû îdeolojiyan de ev yek bi vî rengî ye. Rêxistin nebe gavavêtin nabe.
Rêxistinbûn di çarçoveya exlaqê civakê de ye.
Yanî ji bo paşeroja mirov, civak û mirovahiyê, rêxistinbûn xwedî girîngiyeke stratejîk e.
Xwegihandina nasnameya xwedawendiyê, pêwendiya xwe bi hêzeke rêxistinbûyî heye.”
Çîgdem Dogû: Jin jiyan e, jiyan civak e
Çîgdem Dogû balkişand li ser têkoşîna jinê, têkoşîna azadiyê ya jinên Kurd kir wiha dewam kir:
“Jin jiyan e, jiyan civak e. Li gel vê yekê rastiyeke ku azadiyê dinirxîne.
Mirovê rêxistinbûyî jî li dora vê gelekî baş dikare vebêje.
Rêbazeke bi vî rengî ya rêxistinî îradebûneke hîn xurt diafirîne. Jin dikare hîn baştir xwe nas bike.”
“Divê beriya her tiştî jin xwe nas bike”
Çîgdem Dogû daxuyakirin ew bi rêxistinbûnê ve têkoşîna zayendî ya jinê dimeşînin û got:
“Mejî û hînbûnên ku ji aliyê zayendîperestiya civakî ve hatine afirandin; ew nêzîkatiyên kevneperest, serwerîperest û koletî tên zanîn.
Weke ku me got, rastiyeke jinê heye ku hem ji dîroka xwe, hem jî ji dîroka civakê hatiye qutkirin.
Beriya her tiştî divê li dijî rastiya ku xwe nas nake, têbikoşe.
Divê beriya her tiştî jin xwe nas bike, bi xwe, bi jinê piştrast be. ”
“Armanca me ew e ku sîstema konfederal a jinê ya demokratîk ava bikin”
Endama Konseya Rêveber KJK’ê Çîgdem Dogû herî dawî diyarkir ku weke tevger ew ji bo hemû jinan xwedî statejîyeke rêxistinbûnê ne û wiha behsa kir:
“Em ji stratejiya rêxistinbûnê re dibêjin sîstema konfederal a jinê ya demokratîk û hewl didin vê yekê bi rêxistin bikin.
Ev rêxistinbûn jî çarçoveya xeta 3’yemîn de li ser Komun, meclîs, kooperatîf û akademiyan pêk tê.
Dawiya dawî jî em ji xwe re dikin armanc ku şoreşa azadiya jinê pêk bînin.
