Di şerê Îsraîl-Hamasê de hejmara kuştiyan ji 5 hezarî derbas kir.
Destûr hate dayin ku alîkariya mirovî ji deriyê sînor ê Refahê derbasî Xezeyê bê kirin.
Îsraîlê ragihand ku wê li ser sînorê Libnanê bajarokekî vala bike.
Ji asîmanan wêranî xuya dike..
Li erdê jî dengê qêrîn û hewarê.
Ev 14 rojin rewşa li Xezayê wiha ye.
Artêşa Îsraîlê ragihand ku wan ji şevê din ve, li Xezayê li bêtirî 100 cihên Hemasê daye.
Hamas li beşekî girîng ê Xezayê bi bandor e.
Li gorî Wezareta Tenduristiyê ya Hemasê di bombebarana Îsraîlê de herî kêm 3.785 kes hatin kuştin û ji wan 1.524 zarok in.
Bêtirî 12 hezar kes jî birîndar in.
Li aliyê Îsraîlê jî hejmara kuştiyan ji 1.400 zêdetir e ku 306 jê leşker in.
Artêşa Îsraîlê dide zanîn ku 203 kes ji aliyê Hamasê ve dîl hatine girtin.
Artêşa Îsraîlê ragihandibû ku cenazeyê 1500 şervanên Hamasê ku di roja destpêkê ya êrîşê de ketibûn xaka Îsraîlê, dîtine.
Li gorî Ofîsa Koordînasyona Karên Mirovî (OCHA) a Neteweyên Yekbûyî, li Xezeyê 2.185 avahî bi temamî hilweşiyane û 5.434 mal jî zirarên mezin lê bûne.
Li gorî Wezareta Avakirinê ya Herêmî 8.840 malên din jî hilweşiyane.
Ev hilweşîn li hin herêmên ku ji êrîşan bandor bûne, ji peykê jî tê dîtin.
Îsraîl bajarokê li ser sînorê Lubnanê vala dike
Di heman demê de Îsraîl xwe amade dike di erdê re êriş bibe ser Hizbullaha Lubnanê.
Artêşa Îsraîlê bi daxuyaniya ku roja Înê dayî, ragihandibû ku wê bajarokê Kiryat Shmona ya xwedî 25 hezar nifûse, vale bike.
Herêma ku cîranê Libnanê ye, ji 7’ê Cotmehê ve di bin metirsiyê de ye.
Alîkariyên mirovî wê derbas bibin
Filistînî li Xezayê asê mane.
Tê payîn, roja înê ya îro alîkariya mirovî derbasî bajêr bibe.
Misirê doh ragihandibû ku ew destûr dide ku alîkariyên mirovî di sînorê deriyê Refahê re derbasî Xezeyê bibin.
Beriya rojekê Îsraîlê erê kiribû ku ev derî vebe.
Sefîra bilind a Enqereyê ya Îsraîlê Tirkiyê terikand
Li aliyê din Sefîra Bilind a Enqereyê ya Îsraîlê Irit Lillian bi dîplomatên din ên Îsraîlî re ji Tirkiyê veqetiya bi gotineke din Tirkiye terikand.
https://youtu.be/pDDop89ZFQo?si=CF8LIJSiav8Teoj0
