Artêşa Îsraîlê bi dijwarî êrişî Xeza û Libnanê kir.
Serokwezîrê Îsraîlê Netanyahu careke din kabîneya xwe ya şer kom kir.
Fermandariya Îsraîlê dibêje, dibe ku oparasyona Xezayê 3 mehan dirêj bike.
Ji saetên despêka rojê re, Îsraîl careke din des bi êrişa li ser Xezayê kir.
Artêşa Îsraîlê ragihand ku wan li 320 xalên Hemasê dane.
Hat ragihandin ku di êrişê de herî kêm 60 kes hatine kuştin.
Berdevkê Artêşa Îsraîlê Daniel Hagari jî diyar kir ku hîna 222 dîl di destê Hemasê de ne.
Rayedarên tenduristiyê yên li Xezeyê ragihandin ku di bombebarana Îsraîlê ya du hefteyan de bêtirî 4 hezar û 651 kes mirin.
Netanyahu banga kombûnê li kabîneya xwe ya şer kir
Serokwezîrê Îsraîl Benjamin Netanyahu ji bo nirxandina aloziya ku zêde dibe, civînek ji generalên payebilind û kabîneya şer re lidar xist.
Wezareta Tenduristiye ya Filistine ragihand ku di êrişa li ser kampa penaberan ya li nêzî Ramallah a Şerîaya Rojava de 2 kes hatine kuştin.
Balafirên Îsraîlê li Libnanê jî êrişî 2 şaneyên Hizbullahê kir.
Tê îdiakirin ku van şaneyan amadekariyên avêtina mûşekan bo aliyê Îsraîlê dikirin.
Artêşa Îsraîlî her wiha ragihand ku baregeh û xaleke çavdêriyê jî di nav de, li hedefên din ên Hizbullahê hatine xistin.
Hizbullah di daxuyaniya xwe de diyar kir ku çekdarekî wan hatiye kuştin.
Îsraîlê tank û leşkerên xwe li derdora Xezayê kom kiriye
Îsraîl ji bo operasyona bejayî ya ku armanca wê “hilweşandina” Hamasê ye, tank û leşker li derdora Xezayê kom kiriye.
Wezîrê Parastinê yê Amerîkayê Lloyd Austin got:
“Tişta ku em dibînin îhtimala zêdebûna êrîşên li ser leşkerên me û gelê me yên li herêmê ye.”
Îsraîl: Operasyona Xezeyê dibe ku 3 mehan bidome
Wezîrê Parastinê yê Îsraîlê Yoav Gallant der barê operasyona Xezeyê de diyar kir ku ew ê di demeke nêz de dest bi operasyona bejayî bikin û ev tişt anî ziman:
“Ev wê operasyona me ya dawî a li Xezeyê be.
Piştî vê, wê Hemas namîne.”
Di vê navberê de nêzî 300 hezar leşkerên yedek di nava artêşa Îsraîlê de dest bi erka xwe kirin.
Alîkarî derbasî Xezayê dibe
Koşka Spî diyar kir ku karwanên duyemîn yê ji 14 kamyonan pêk tê, şevê din di deriyê Rrfahê re derbasî Xezayê bû.
Ofîsa alîkariyên mirovî ya Neteweyên Yekbûyî ragihand ku rêjeya alîkariyên ku heta niha gihîştine Xezzeyê tenê ji sedî 4ê navîna rojane ya beriya şer e.
