Tenê ji ber ku li gorî pergaleke paşverû cil û berg lixwe nekirin.
Û tenê ji ber ku xwest ji mafê xwe yê azadiyê sûdê werbigere, bû armanca lêdan û êşkenceya kesên ku navê “polîsên exlaqê” lixwe kirine.
Aynen mîna Jîna Emînî.
Em behsa jina 16 salî Armîta Geravand dikin.
Ew niha ji ber êşkenceya polîsên Îranî li ber mirinê ye.
Ev dîmenê hûn dibînin, roja 1’ê Cotmehê li Stasyona Metro a bajarê Tehranê hatine tomarkirin.
Jineke 16 salê bi awayekî servekirî dixwaze li trênê siwar bibe.
Bi bahaneya ku li dijî qanûnên exlaqê yên Îranê ye, polîs bi dijwarî lê didin û ji ber vê yekê ji hişê xwe ve diçe.
Jina 16 salî ya bi giranî birîndar bû navê wê Armîna Geravand e.
Tevî dîmen û şahîdên bûyerê jî rayedarên Îranê îdîa kirin ku polîsan wan li jina ciwan nedane.
Ji wê rojê ve Armîta Geravand di beşa lezgîn a nexweşxaneyê de li komayê dihate ragirtin.
Dezgehên Çapemeniyê yên Îranê ragihandin ku fonsyonên mejî yên jina 16 salî bi temamî rawestiyane.
Ev jî tê wateya ku êdî xelasiya wê ji mirinê ne mumkine.
Jîna Amînî 16’ê Îlonê bû çirûska xwepêşandanên “Jin, Jiyan, Azadî”
13 Îlona îsal dîsa li Tehranê bi îdîaya ku qanûna sernixûmandinê binpêkiriye, polîsên Îranî eşkence li jina Kurd Jîna Amînî kirin.
16’ê heman mehê, Jîna Amînî jiyana xwe ji dest da û ev yek bû sedem ku li Îran û Rojhilatê Kurdistan nerazîbûn zêde bibin.
Paşê bi durûşemya “Jina, Jiyan, Azad” ev yek di nava demeke kurt de û li gelek deverên cîhanê belav bû.
Piştî Jîna niha jî Armîta…hovîtiya rejima Îranê bi dawî nabe
