Li nava Federasyona Rûsyayê hêrsa li dijî Îsraîlê hebû.
Li Komara Xweser a Dagestan a girêdayî Rûsya hat bihistin ku balafirek ji rêwiyên Îsraîlê tên welat, bi sedan kes herikîn balafirgehê.
Di encama pevçûnên rûdan de, bêtirî 20 kes birîndar bûn û 60 jî hatin binçavkirin.
Piştî vê yekê Îsraîlê bang li Rûsyayê kir ku welatiyê wan û cihûyan biparêzin.
Li Komara Xweser a Dagestanê ya Rûsyayê ku piraniya nifûsa wê ji misilmanan pêk tê, li dijî Îsraîliyan çalakî hate lidarxistin.
Çalakî li bafirgeha Mahaçkalayê hate lidarxitin.
Li gorî agahiyan komek mezin, li ser agahiyên ku li balafirgehê Îsraîlî hene berê xwe dane wir û hêrsa xwe nîşan dan.
Ji ber vê yekê di navbera polîs û çalakvana de pevçûn derket.
Di êrişê de 20 kes birîndar bûn
Ajansa nûçeyan a Rûsî Tass li ser agahiyên ku ji Wezareta Tenduristiyê ya Dagestanê wergirtine de diyar kir ku di pevçûnan de 20 kes birîndar bûne.
Di nava kesên birîndar de polîs jî hene.
Li gorî nûçeyên ku li wir hatine parve kirin, komeke qerebalix avêtin ser balafirxaneyê.
Pişî vê yekê ajansa Veguhestina Asmanî ya Rûsyayê diyar kir ku wê balafirgeha Mahaçkalayê heta 6’ê Mijdarê girtî bimîne.
Polîsan 60 çalakvan binçavkirin
Ajansa nûçeyan a Rûsî Ria ragihand ku nasnameya 150 xwepêşanderan hatine diyarkirin û 60 kes jî hatine binçavkirin.
Waliyê Dagestanê Sergey Melîkov jî diyar kir ku divê her kesên ku di çalakiyê de cihê xwe girtine bên cezakirin.
Îsraîlê piştî aloziya li Dagestanê bang li Rûsyayê kir ku hemû welatiyên Îsraîlê biparêze.
Îsraîl: Bila Rûsya gelê Îsraîl û Cihû biparêze
Di daxuyaniya Ofîsa Serokwezîr Benjamin Netanyahu de ev bang li rayedarên Rûsyayê hate kirin:
“Em hêvî dike ku hemû welatiyên Îsraîlî û hemû cihûyan biparêzin û li dijî kesên ku aloziyê çêdikin bi biryar tevbigerin.”
Amerîka: Em li ba gelê Cihû ne
Dewletên Yekbûyî yên Amerîkayê (DYA) jî bi daxuyaniyekî ev bûyer şermezar kir.
Berdevka Konseya Ewlehiya Neteweyî Andrienne Watson jî li ser hesabê xwe yê medyaya dîjîtal piştgîriya Amerîkayê bi gelê Cihî re ragihand.
