Li kêleka me 24 rojin şerek dijwar heye.
Şerê bi êrişa Hemasê ya li dijî Îsraîlê re, heta niha bîlançoyek wêranker li pey xwe hiştiye.
Di nava 24 saetên dawiyê de, 600 cihên li Xezayê bûn armanca êrişên Îsraîlê.
Tankên Îsraîlê li pêşiya bajarê Xezayê amade ne.
Şerê ku bi êrîşa Hamasê ya 7’ê Cotmehê ya li ser Îsraîlê destpê kir, giran dibe.
Di bombardûmana artêşa Îsraîlê de bi hezaran kes mirin.
Îsraîl xwe ji bo perasyoneke berfireh a bejahî re amade dike û bombardûman jî zêde kir.
Li gorî AFP’ê, artêşa Îsraîlê di nava 24 saetan de bêtirî 600 ‘hedef’ ên li Xezeyê bombe kir.
“Bi dehan çekdarên Hamasê hatine kuştin”
Di daxuyaniya artêşa Îsraîlê ya îro saetên sibehê hate dayîn de, hate îdiakirin ku li Şerîda Xezeyê şevêndin bi dehan çekdarên Hemasê hatine kuştin.
Li gorî daxuyaniyê balafireke şer bombe li avahiyekê barand ku bêtirî ’20 şervanên Hemasê’ tê de bûn.
Tank li pêşiya bajarê Xezeyê ne
Tankên Îsraîlê jî li pêşiya bajarê Xezeyê yê li bakurê Şerîda Xezeyê ne.
Şahidan diyar kirin ku tankan rêyên bingehîn ên bajêr ji hev qut kirine.
Dozgerê DCN: Astengkirina alîkariyan sûc e
Li aliyê din şandina alîkariyê kêm jî be dewam dike.
Alîkariya ku ji bo sivîlên Fîlîstînî tê şandin li deriyê sînor ê Refahê yê navbera Misir û Xezeyê têne komkirin.
Mufetîşê Sereke yê Neteweyên Yekbûyî Karîm Khan roja Yekşemê li Qahîreyê daxuyaniyek da û diyar kir ku astengkirina derbaskirina alîkariya mirovî ji bo Şerîda Xezeyê ‘sûceke’.
Dozgerê Dadgeha Ceza ya Navneteweyî (DCN) Karîm Khan got,
“Divê xurek û derman bigihêje sivîlên li Şerîda Xezeyê.”
Karîm Khan diyar kir ku wî dîtiye qemyonên alîkariya mirovî têne astengkirin.
Li ser sînorê Îsraîl-Libnanê jî şer giran dibe.
Hîzbûllahê ragihand ku li başûrê Libnanê şervanekî wan hatiye kuştin, lê dem û cihê mirina şervanê xwe eşkere nekir.
Li gorî medya Lubnanê ji 7’ê Cotmehê û vir ve 49 şervanên Hîzbûllahê hatine kuştin.
Waşîngton: Em ê leşkeran neşînin Îsraîl an jî Xezeyê
Cîgira Serokê Dewletên Yekbûyî yên Amerîkayê (DYA) Kamala Harris ji televîzyona CBS re axivî û got,
“Nêt û planeke me teqez nîne ku yekîneyên xwe bişînin Îsraîlê yan jî Xezeyê.”
Li Xezayê di 21 rojan de, jimara zarokên mirî ji 3 salan a li tevahî Cîhanê bêtir e
