Komelgeha Jinên Azad ên Rojhilatê Kurdistanê KJAR diyar kir ku şehîdxistina Armîta bi heman şêweyê Jîna Emînî û hemû şehîdên Serhildana ‘Jin, Jiyan, Azadî’, bêhêztî û lewaziya dewleta Îranê nîşan dide.Her wiha Berdevka Navenda Parêzvanên Mafê Mirovan Narges Mohammadî ku li girtîgeha Evînê girtî ye derbarê şehîdxistina Armîta Girawend de got : ”Em tu carî mirina Armîta ya ne heq ji bîr nakin.”
Komelgeha Jinên Azad ên Rojhilatê Kurdistanê KJAR derbarê şehîdxistina Armîta Ground de daxuyaniyek da.
KJAR’ê da zanîn dewleta Îranê hewl dide bi êşkence, kuştin û destdirêjiyê desthilata xwe li ser lingan bigire û got:
Her ku têkoşîna jinan berbelav dibe, dewleta Îranê bi awayên cuda tolhildanê dixwaze.
Hewl dide rewşa rojên berî şoreşa ‘Jin, Jiyan, Azadî’ vegerîne û xwe bi serdest û bi hêz nîşan bide.
KJAR’ê şehîdxistina Armîta Girawend şermezar kir û ev bang kir:
”Em bang dikin ku gel bi pêşengtiya jin û ciwanan carek din diyar bikin ku heta jin azad nebe civak azad nabe.
Di vê perspektîfê de berdewamkirina têkoşînê wê dawî li rejîma zordar a Îranê bîne û rêya azadiyê ronî bike.”
Narges Mohammadî: Armîtaya ji ber nexwest porê xwe veşêre hate kuştin
Berdevka Navenda Parêzvanên Mafê Mirovan Narges Mohammadî ku li girtîgeha Evînê girtî ye, derbarê şehîdxistina Armita Ground daxuyaniyek li ser hesabê xwe ê medyaya dijîtal parve kir û wiha got:
Armita me ya jiyana wê ya kefxweş, ji ber nexwest pora xwe a xweşik bi hîcaba zorê veşêre hate kuştin.
Kuştina Armîta bêheqiyeke
“Bi destwerdana saziyên ewlehiyê, di nava wan dengên mezin de, dengek biçûk yê nalinê ma.
Agirê mirina Armîta Ground, agirê ku di cînayetên Mehsa, Nîka, Sarina û h.w.d de destpêkiriye.
Armîta me ji zarokên keç û xort ên bi zilmê hate kuştin e.
Desthilatê bi destê ewlehiyê ev cinayet ewqas tepesand ku heqîqet dibin gef û xepandinê de hate definkirin.
Dema heqîqet hate definkirin û mezlum mayin bê parastin, ne ji bo edaletê ji bo êşê jî qêr nekirin, mirin herî kêm mirovan di êşîne.
Êşa rast derew, hîle û xapandina desthilatê ye.
Ez tu cara ji bo xwina Armîta vê sancûla bi zorê naxim serê xwe.”
Di merasîma Armîta Grawend de parêzera wê hate binçavkirin
Her wiha hate diyar kirin ku di meresima oxirkirina Armîta Girawend de gelek kes hatin binçavkirin.
Hat zanîn ku parêzer û mafparêz Nesrîn Sotudeh jî hatiye binçavkirin.
Hevserê wê Reza Handan daxuyanî da û got:
”Hevsera min bi êşkenceyê di meresima cenazeyê Armîta Girawend de hat binçavkirin.”
https://jinhaagency.com/ku/rojane/mehtab-nasirpur-pistgiri-da-listikvanen-jin-en-qedexeya-kar-girtine-41740
Mehtab Nasirpur piştgiri da lîstikvanên jin ên qedexeya kar girtine
Lîstikvana şano û sînemayê ya Îranê Mehtab Nasirpur ragihand ku ji bo piştgirîkirina şanogerên jin ên ku ji kar hatine qedexekirin êdî di tu sînema û şanoyê de rol nagre.
Mehtab got: “Ji bo piştgirîkirina hevkarên xwe û şermezarkirina van biryaran, ji niha û pê ve ez beşdarî ti sînema û şanoyê nabim.”
