Deriyê Sînorê Refahê yê navbera Misir û Xezayê ji bo birîdarên rewşa xwe giran û welatiyên biyanî hate vekirin.
Vekirina derî wê demkî be.
Di konên tenduristiyê yên li nêzî derî hatine danîn de, birîndar wê werin dermankirin.
Deriyê Sînor ê Refahê ku Xeta dorpêçkirî ya Xezayê bi Misirê ve girêdide, bi awayekî sînordar hat vekirin.
Tê payîn ku Filistîniyên bi giranî birîndar bûne ji bo dermankirinê sewqî Misirê bên kirin.
Ajansa nûçeyan a Fransî AFP û Associated Press ragihandin ku, ji xeynî birîndarên Xezayê, koma yekem a welatiyên biyanî îro cara yekem ji Xezayê derketin.
Piştî Îsraîlê 9 û 10’ê Cotmehê 3 caran Deriyê Sînor ê Refahê bombebaran kir, rayedarên Misirê deriyê sînor girt.
Qahîreyê 10’ê Cotmehê biryara girtinê dabû.
Hat destnîşankirin ku di çarçoveya lihevkirina di navbera Misir, Îsraîl û Hamasê de ku bi navbeynkariya Qeterê hat kirin, bi koordînasyona Amerîkayê wê destûr bê dayîn ku ji xaka Xezayê ber bi sînor ve biçin.
Hat diyarkirin ku di çarçoveya peymanê de kesên xwedî pasaporta biyanî û birîndarên rewşa wan giran e wê ji Deriyê Sînor ê Refehê yê di navbera Misir û Xezayê de derbas bibin.
Nehat ragihandin ku deriyê sînor wê heta kengî vekirî bimîne.
Hat diyarkirin ku ti têkiliya lihevhatinê bi mijarên wekî rehînên di destê Hemasê de, kêmkirina krîza mirovî ya li herêmê û agirbesta mirovî ku hê jî mijara danûstandinan e tune ye.
Hat diyarkirin ku Misirê li Şêx Zuweyd a li nêzî Deriyê Sînor ê Refahê nexweşxaneyeke meydanî amade kir.
Her wiha 10 ambûlans şandin Deriyê Sînor ê Refahê.
Wezîrê Tenduristiyê Fahrettîn Koca diyar kir ku Tirkiye amadekariyên 20 nexweşxaneyên meydanî dike û got,
“Hem li herêma nêzî Deriyê Sînor ê Refahê û hem jî li Balafirgeha El Arîş ji bo avakirina 20 nexweşxaneyên meydanî me hemû amadekariyên xwe kirine.
Derbarê van de bi wezaretên tenduristiyê yên Misir û Fîlîstînê re dixebitin.”
