Serokwezîrê Îsraîlê Netaynahu diyar kir ku ji bo alîkariya mirovî û berdana girtiyan, ew dikarin navberekî bidin şer lê wê agirbestek giştî neyê ragihandin.
Sekreterê Giştî yê NY Guterres jî ragihand ku Xeza veguheriyaye goristana zarokan.
Şerê dawiya wê xuya nake.
Rûndikên ku bi salanin dibare.
Ev der Xezaye bûyî goristana zarokan e.
Netanyahu: Agirbest wê nebe, di be navbereke taktîkî bidin
Serokwezîrê Îsraîl Benjamin Netanyahu got;
Em dikarin di operasyonên xwe yên leşkerî yên li Xezayê de “bêhnvedanên kurt ên taktîkî” bidin, lê li Xezayê agirbest çênabe.
Netanyahu ji kanala televizyona ABC Newsê re daxuyanî da û got,
“Heta ku dîl neyên berdan wê li Xezayê agirbestek giştî çênebe.
Di derbarê navberên kurt ên taktîkî de, em bibêjin saetek li vir û saetek li wir, ev tişt qewimîn.
Ez wisa difikirim ku mimkun e ku alîkariya însanî bikeve an jî rehîneyên me bên rawestandin.” .
Netanyahu îdia dike ku agirbest wê “seferberiya şer” û “hewldanên ji bo paşdexistina rehîneyan asteng bike.”
Netanyahu: Em ê ewlekariya Xezayê bigrin ser xwe
Netanyahu diyar kir ku dema şer bi dawî bû, ew ê “berpirsiyariya ewlehiyê” ya li Xezayê “ji bo demeke nediyar” bigirin ser milê xwe û ev tişt anî ziman:
“Ji ber ku me dît dema em nebin xwediyê vê berpirsyariya ewlehiyê, çi dibe.”
Netanyahu û Biden peywendiyek telefonî pêk anîn
Netanyahu beriya hevdîtinê bi Serokê Amerîkayê Joe Biden re bi telefonê axivî.
Li gorî daxuyaniya Koşka Spî, Biden bi Netanyahu re li ser îhtimala “rawestinên taktîkî” yên “ji bo derketina sivîlan bi ewle ji herêmên şer û gihandina alîkariyê ji bo sivîlan gotûbêj kiriye.
Bûyerên tundiyê yên rojên dawî li Şerîeya Rojava jî di rojeva aliyan de bû.
Guterres: Xeza vgeguheriye goristana zarokan
Sekreterê Giştî yê Neteweyên Yekbûyî Antonio Guterres careke din banga agirbestê kir û diyar kir ku Xeza veguheriye “goristana zarokan”.
Guterres di daxuyaniya xwe de got,
“Di heman demê de, Hemas û çekdarên din, sivîlan wek mertalên zindî bikar tînin.”
Di encama bomberdûmana Îsraîlê ya li ser Şerîda Xezayê de ya piştî êrişa Hemasê 7’ê Cotmehê dayî despêkirin de, heta niha bêtirî 10 hezar Filistînî hatine kuştin.
Ji van bêtirî 4 hezar û 100 zarokin.
Her wiha di êrişên Hemasê de jî 1400 Îsraîlî hatine kuştin.
