Li Bakur û Rojhilatê Sûriyê amadekariyên mewsima çandiniyê yê sala nû tên kirin.
Di vê çarçoveyê de Desteya Çandinî û Avdanê plana dabeşkirina rûbera çandiniyê danî û tov û semadê li cotkaran belav dike.
Demsala çandiniyê li Rojava/Bakur û Rojhilatê Sûrî dest pê dike û cotkar dest cotkirina erdên xwe dikin.
Lewra, Desteya Çandinî û Avdanê plana çandiniyê eşkere dike.
Li gor agahiyan, îsal nêzî milyonek hektar dê bi cureyên bejî û avî werin çandin.
Ji wê rûbera borî, divê ji 60 genimê avî, ceh ji sedî 5 û peqeleyan ji sedî 15 û bo sebzeyên zivistanê jî ji sedî 2 were veqetandin.
Her wekî desteya çandiniyê dibêje ku ji bo çandiniya havînê jî ji sedî 15 pembo, sebze ji sedî 3 û bêtirî ji sedî 20 jî berhemên din e.
Ji bo zeviyên bejî jî plana çandiniyê wan dabeşî 3 herêman dike.
Herêma istiqrarê ya yekem: genim ji sedî 60, peqeleyan ji sedî 20 û bo zeviyên bûr jî ji sedî 20 e.
Herêma îstîqrarê ya duyemîn: genim ji sedî 50, ceh ji sedî 25, peqle ji sedî 15, zeviyên bûr ji sedî 10 e.
Herêma îstîqrarê ya sêyemîn: Genim û ceh ji sedî 50, peqle ji sedî 25 û zeviyên bûr ji sedî 25 e.
Vê gavê jî Rêveberiya Xweser tov li cotkaran belav dike û rêjeya wan jî diyar kiriye.
Ji bo her donimekî avî 30 Kg genimê nerim û 32 kîlo genimê hişk hatiye veqetandin.
Yên bejî jî 20 Kg genim bo her donimekî ye.
Di heman çarçoveyê de jî Rêveberiya Xweser rêjeya semadê jî eşkere kiriye.
Ji bo avî, her donimekî 30 Kg semada urea û 20 Kg jî ya fos-fatê ye.
Yên bejî jî 20 Kg semada urea û 10 jî ya fosfat e.
Her wekî ji bo cureyên din bi giştî her donimek 25 Kg semada urea û 20 Kg semada super fosfat hatine veqetandin.
Li hêleke din, dê piştî çend rojan jî Desteya Çandiniyê li gorî kûrahiya bîrê û cureya jeneratoran radeya mazotê bo avadana erdên cotkaran diyar bike.
