Li Sûdanê, hêrsa deshilatdariyê, careke din bûye sedema gurbûna şer.
Di civîna Konseya Ewlekariyê ya NY de, ev yek careke din ket rojevê.
Di konseyê de hate gotin, Piştî civîna li Ceddeyê, şerê li Sûdanê carek edin gur bûye.
Neteweyên Yekbûyî (NY) ragihand ku şerê li Sûdanê piştî hevdîtinên 7’ê Mijdarê li Ceddaya Erebîstana Siûdî hatin kirin, gurtir bûn.
Di Konseya Ewlekariyê ya NY de, rewşa li Sûdanê hat nirxandin.
Alîkara Sekreterê Giştî yê NY ji bo Afrîqayê Martha Pobee ji welatên endam re diyar kir ku ew gavên aliyan yên di derbarê alîkariyên mirovî yên di hevdîtinên Ceddeyê de pêşwazî dikin.
Pobee îşaret bi wê yekê kir, berovajî daxuyaniyên aliyên ku dibêjin ew amade ne ji bo agirbestê danûstandinan bikin, rewşa li ser erdê dijwar bûye.
Pobee agahiya “Mixabin di hevdîtinên Ceddeyê de aliyan nekarîn li ser agirbestê li hev bikin. Berovajî vê yekê pevçûn gurtir bûn” parve kir û daxuyakirin, Sûdan bi krîzeke însanî ya xedar re rû bi rû maye.
Pobee diyar kir ku li Sûdanê 7,1 milyon kes ji cih û warên xwe bûne.
Di şerê navxweyî yê li Sûdanê de rewşa dawî çawa ye?
Li Sûdanê şerê navxweyî 7 mehên xwe derbas kir.
Li 9 eyaletên rojava û başûr-rojavayê welat şerekî dijwar rûdide.
Li paytext Xertûmê jî hema rewş heman e.
Di şerê deshilatdariyê ku navbera artêşa Sûdan û Hêzên Piştevaniya Bilez (RSF) de, dijwar dibe.
Heta niha bêtirî 10 hezar siv hatine kuştin û bi hezaran jî birîndar bûn.
Ji ber tewambarkirinên li hemberî hev, agirbesta navdewletî û hewildanên danûstandinan heta niha bi serneketine.
Aliyên şer 7’ê Mijdarê li bajarê Cedde yê Erebîstana Siûdiyê civiyan
7’ê Mijdarê li bajarê Cedde yê Erebîstana Siûdî careke din aliyên şer li hev civiyan.
Di hevdîtinên bi pêşengiya Erebistana Siûdî, DYA û Desthilata Pêşketinê ya Navdewletî ya li Rojhilatê Afrîkayê de, mijara sereke gihandina alîkariya mirovî bû.
Aliyan li hevkirin ku ji bo hêsankirina gihandina alîkariyên mirovî û pêkanîna tedbîrên avakirina pêbaweriyê gavan bavêjin.
