Endama Komîteya Rêveber a PKK’ê Hêlîn Umît beşdarî ‘Bernameya Taybet’ a televîzyona Medya Haberê bû got, “Şert e ku jin ji pergalê qut bibe û xwe bi rengekî cuda bi rêxistin bike. Jin çiqasî xwe xweser bike, ewqasî xwe, zayenda xwe nas dike û dibe xwedî îrade.”
Endama Komîteya Navendî ya PKK’ê Hêlîn Umît beşdarî ‘Bernameya Taybet’ a televîzyona Medya Haberê bû û bi wesîleya 25’ê Mijdarê Roja Têkoşîna Navneteweyî ya li dijî Tundiya li Jinê axivî.
Di destpêka axaftina xwe de Hêlîn Umît berxwedana Rêber Apo ku li hemberî sîstema komplo û qirkirinê ya Îmraliyê dimeşîne silavkir û got:
“Girîng e ku li dijî Navenda Qirkirinê ya Îmraliyê, têkoşîn bê meşandin.
Pêwendiya vê yekê bi bilindkirina pîvana azadiyê heye.
Li ser vê bingehê bang li her kesî dikim ku divê em têkoşîna xwe hin mezintir bikin da ku pergala êşkenceyê ya li ser Rêberê Azadiyê bişikînin.”
Hêlîn Umît: Tundiya li jinê di bingeha şaristaniyê de heye
Hêlîn Umît, 25’ê Mijdarê Roja Têkoşîna li dijî Tundiya li Jinê jî nirxand.
Endama Komîteya Navendî ya PKK’ê diyar kir ku di pergala netew dewlet de hema pêje her gada jiyanê tundî heye.
Hêlîn Umît: Pêwîstiya jinan bi têkoşîna rexistinbûyî heye
Hêlîn Umît bi bîr xist ku jin li tevahiya cîhanê, bi taybetî li Rojhilata Navîn di nava şerekî giran de ne û wiha dewam kir:
“Ji ber vê yekê di 25’ê Mijdarê de divê tundiya li jinê tê kirin, her wiha têkoşîna li dijî tundiyê hîn bêhtir di rojevê de bê hiştin.
Bi rastî jî pêwîstiya me gelekî bi têkoşîna rêxistinbûyî heye.
Pêwîstiya jinan bi wê yekê heye ku li hev kom bibin û dengê xwe bilind bikin.
Rabûna li ber sîstema milkiyetê ya heyî ji bo jiyana bi rûmet a jinê şert e.
Bala xwe bidin ser; jin weke xwe nîne. Her tim a hinekan e. Sîstema milkiyetê bi vî rengî ye.
Divê jin bibe ya xwe. Namûsa herî mezin ew e ku jin bibe ya xwe.
Hêlîn Umît: Divê li dijî serweriya mêr têkoşînê xurt bikin
Endama Komîteya Rêveber a PKK’ê Hêlîn Umît herî dawî ew nirxandin kir:
“Jin çiqasî xwe bi rengekî xweser bike, çiqasî li ser lingê xwe bisekine, ewqasî xwe nas dike.
Hezkirin û dilsoziya rasteqîn jî li ser vê bingehê li şûna xwe rûdinê.
Lewma Rêber Apo got, ‘Aştî çavkaniyeke hezkirinê ye’. Ev ne gotineke ku weke wêjeyê hatiye gotin.
Ji ber vê hişmendiya azadiyê, felsefeya azadiyê tevgera me ya jinê ya PKK’ê ji aliyê cewherî ve bûye çavkaniya hezkirinê.
Bêyî vê yekê rabûna li ber tundiya heyî nabe.
Di serî de jinên li herêmê em bang li jinan hemûyan dikin ku vê mînakê, vê pêşengiyê baş nas bikin, bi rengekî rast tevlî bibin û li dijî sîstema bi serweriya mêr têbikoşin.”
