Xelkê Minbicê bi boneya salvegera 45’emîn a damezirandina PKK’ê şehîdên azadiyê bi bîr anîn û mûm li ser gorên şehîdan pêxistin, her wiha şahiyek ji aliyê Tevgera Ciwanên Şoreşger û Yekitiya Jinên Ciwan ve hat lidarxistin.
Merasîm li goristana şehîdan a başûrê Minbicê li dar ket.
Di serî de hevserokê Meclisa Xeta Rojava ya Minbicê Mistefa El Şêx axifî û got:
“Damezirandina Partiya Karkerên Kurdistanê-PKK’ê bi seroketiya Rêber Apo bû bersiva zilm û faşîzma Tirk û siyasetên wê yên qirkirinê yên li dijî gelê Kurd.”
Di heman çarçoveyê de Tevgera Ciwanên Şoreşger û Yekitiya Jinên Ciwan şahiyek li navenda tevgerê ya bajêr li dar xist.
Di serî de hevserokê Tevgera Ciwanên Şoreşger a Minbicê Ehmed El Cemîlî axîfî û got PKK’e ji bo rojhilata navîn bû rê û domand:
“Serkeftinên me yên li Minbicê û Bakur û Rojhilatê Sûriyeyê li dijî terorîzma DAIŞ’ê û faşîzma Tirk bi saya Rêber Apo bûn.
Ev partî partiya şehîdan, serkeftinan, fedakarî û têkoşîna li dijî koletiyê ye.”
Li kantona Qamişlo salvegera damezirandina PKK’ê hat pîrozkirin
