Di roja 4. a agirbesta navbera Îsraîl û Hemasê de, komeke din a girtiyan hate berdan.
Îsraîlê li pêşberî 11 girtiyên wan ku ji aliyê Hemasê ve hatî berdan, 33 Filistînî serbest berdan.
Her wiha agirbest ji bo 2 rojên din jî hate dirêjkirin.
Di vê naberê de, Wezîrê Karê Derve yê DYA Blinken careke din li ser rêya Îsraîlê ye.
Piştî ragihandina agirbesta 4 rojan a di navbera Îsraîl û Hemasê de 2 rojên din hat dirêjkirin.
Hemasê 11 dîlên Îsraîlî serbest berdan.
Piştî vê Îsraîlê jî di berdêla vê yekê de, 33 girtiyên Filistînî serbest berdan.
Hemwextî artêşa Îsraîlê ragihand ku 11 kesên serbest hatine berdan gihiştine nav xaka welat, berdevkê Wezareta Karê Derve ya Qeterê jî ragihand ku “33 sivîlên Filistînî” ji girtîgehên li Îsraîlê hatin berdan.
Baerbock: Di nava kesên hatine berdan de 2 ciwanên Alman hene
Wezîra Derve ya Almanyayê Annalena Baerbock di daxuyaniya xwe ya li ser platforma medyaya dijîtal ya X’ê de ragihand ku di nav wan 11 kesên ku ji aliyê Hamasê ve hatine berdan 2 ciwanên Alman jî hene.
Di nav kesên ku hatine berdan de 3 welatiyên Fransî û 6 jî Arjantînî hene.
Îsraîl û Hemasê doh ragihandin ku li ser dirêjkirina agirbestê ji bo du rojên din li hev kirine.
Ji bo dirêjkirina agirbestê ji Dewletên Yekbûyî yên Amerîkayê (DYA), Neteweyên Yekbûyî (NY) û Almanyayê bertekên erênî hatin.
Gutterres: Dibe alîkariya bo Xeza bê zêdekirin
Sekreterê Giştî yê NY Antonio Gutterres di daxuyaniya xwe ya ji bo rojnamegeran da dirêjkirina agirbestê wekî “çiraya hêviyê û mirovahiyê” bi nav kir û got;
Dibe ku alîkariyên mirovî yên ji bo welatiyên li Xezêyê bên zêdekirin.
Ji dema agirbesta di navbera Îsraîl û Hamasê de roja Îniya borî kete meriyetê.
Hemasê 50’î, Îsraîlê 117 Filistînî serbest berdan e
Ji wê rojê ve, Hemasê 50 Îsraîlî serbest berdan.
Herwiha di çarçoveya lihevkirineke taybet de 19 kes ku piraniya wan Taylandî ne, hatin berdan.
Li hember vê yekê Îsraîlê 117 girtiyên Filistînî ku piraniya wan zarok û jin bûn, serbest berdan.
Blinken careke din li ser rêya Rojhilata Navîn e
Hat ragihandin ku Wezîrê Karê Derve yê Amerîkayê Antony Blinken wê vê hefteyê serdana Îsraîl û Şerîeya Rojava bike.
Berdevkê Wezareta Karê Derve ya DYA Matthew Miller doh li Washingtonê di daxuyaniyekê de ragihand ku Wezîrê Karê Derve Antony Blinken wê careke din serdana Xeza û Îsraîlê bike.
Tê îdiakirin ev serdan wê di çarçoveya girtina agahiyên derbarê dîlên di destê Hemasê de be.
