Di beşa pêncemîn ya pevguhertina dîlan de, Îsraîlê li pêşberî 12 girtiyan, 30 filistînî berdan.
Ji bo dîlên mayîn jî hevdîtin dewam in.
Welatên G7 jî bi daxuyaniyeke hevpar ji aliyan xwest ku agirbest dewam bike.
Piştî ku agirbesta 4 rojan a li Xezeyê hat dirêjkirin, Hemasê komeke nû ya dîlan serbest berda.
Li gor agahiya ku rojnamevanên li herêmê dane, 10 Îsraîlî û 2 welatiyên dualî li deriyê sînor ê Refahê radestî rayedarên Xaça Sor a Navneteweyî kirin.
Bi vî awayî, ji despêka pêvajoya agirbesta navbera Îsraîl û Hemasê koma pêncem a dîlan hate berdan.
Agirbest Îniya derbasbûyî ketibû meryetê.
Hat ragihandin ku tevahî dîlên di koma dawiyê de hatîn berdan zarokin.
Lîsteya nû ya dîlan ji Hemasê ber bi Îsraîlê ve hate şandin
Tê payîn ku dîlên din jî îro bên berdan.
Li gor nûçeyên medyayê Îsraîl lîsteya navên kesên ku wê îro bên berdan ji hemasê hatiye Hamasê wergirt.
Di çarçoveya agirbesta ku Îniya borî dest pê kiribû de, heta niha 61 jê Îsraîlî û 20 jê biyanî yan jî hemwelatiyên dualî bi giştî 81 kes ji aliyê Hemasê ve hatine berdan.
Îsraîlê 180 Filistînî ji zindanan berdan.
Hewldanên dewamkirina agirbestê
Agiresta despêkê ji bo 4 rojan hatî dirêjkirin, 2 rojên din jî hatibû dirêjkirin.
Dewletên Yekbûyî yên Amerîkayê (DYA) ragihand ku ji bo ji nûve dirêjkirina agirbestê bi Îsraîl, Qeter û Misirê re hevkariyê dikin.
Koordînatorê Ragihandina Stratejîk a Konseya Ewlehiya Neteweyî ya Koşka Spî John Kirby diyar kir ku Amerîka alîgirê dirêjkirina agirbestê ye û got:
“Hûn dizanin ku em li gel vê yekê ne û em ê ji bo vê xebata xwe dewam bikin.”
Rêveberiya DYA’yê dixwaze hemû dîl bên berdan.
Banga welatên G7 a ji bo dirêjkirina agirbestê
G7 yên aboriyên 7 welatên herî pêşketî yên cîhanê ne, doh der barê agirbesta Hemas-Îsraîl de daxuyaniyek dan.
Di daxuyaniya hevpar a ku ji aliyê Wezareta Karên Derve ya DYA’yê ve hat ragihandin de, hat diyarkirin ku welatên G7 piştgirî didin dirêjkirina agirbestê.
Welatên G7 tekez kirin ku agirbest ji bo gihandina alîkariyên mirovî ji bo xelkê li Şerîda Xezayê girîng e.
Li Sierre Leone yê Rojavayê Afrîkayê êrîşî leşkergehekî hat kirin
