Êrîşên Husiyên li Yemenê li dijî keştiyên Behra sor ê girêdayî Îsraîl, welatên din didome.
Derbarê êrîşên dawî li dijî keştiyên bazirganiyê Fermandariya Hêzên Navendî yê Amerîka (CENTCOM) da xuyakirin bi keştiyên şer a USS Carney 3 balafirên bê mirov ê Husiyan xistine.
Berdevkê Husiyan jî di daxuyaniya xwe de diyar kir ku êrîşên hatine kirin ji bo daxwazên xelkê Yemenê û piştgiriya xelkê Filîstinê bersivek bû.
Fermandariya Hêzên Navendî yê Amerîka (CENTCOM) derbarê êrîşên li Behra sor daxuyanî da.
CENTCOM’ê diyar kir ku li Behra sor li dijî sê keştiyên bazirganiyê êrîş pêk hat. Piştî êrîşê keştiyên şer ê Amerîkî li heremê sê balafirên bê mirov xistin.
Di daxuyanî de hat destnîşankirin ku li Yemenê heremên di bin kontrola Husiyan de bi fuze û balafirên bê mirov êrîşî keştiyan hat kirin, piştî bangawaziya alîkariyê yê keştiyan, keştiya şer a USS Carney bersiv da êrîşan.
Amerîka: Girêdayî Husiyan 3 balafirên bê mirov hat xistin
Keştiyên ku hatine xistin Înglîstan jî di nava de girêdayî 14 welatan e. Lê di encama êrîşan de kuştî û birîndar çênebûye.
Berdevkê Husiyan da xuyakirin êrîşî du keştiyên Îsraîlê yê bi navê Unity Explorer û Number 9 kirine.
Her wiha berdevkê Husiyan bilêv kir keştiyên hatine xistin hişyariyan red kirine û piştî vê hatine armanckirin.
Berdevk diyar kir ku êrîşên hatine kirin ji bo daxwazên xelkê Yemenê û piştgiriya xelkê Filîstinê bersivek bû.
Amerîka: Li pişt êrîşên Husiyan, Îran heye
Her wiha artêşa Amerîka jî daxuyanî da û wiha got:
“Li Yemenê êrişên li heremên di bin kontrola Husiyan de tê kirin ji bo bazirganiya navneteweyî gefê ava dike.”
Di daxuyaniyê de hat diyar kirin li pişt êrîşên Husiyan, Îran heye.
Li Yemenê Husiyên ku Îranê piştgiriyê dide, di 2014’an de derbeyek li hikumetê kiribûn di encama vê yekê de li wêlet şerê navxweyî derketibû.
Husiyan ev 9 sale beşek ji Yemenê kontrol dikin, peravê Behra sor jî di bin kontrola wan de ye.
Bi destpêkirina şerê Îsraîl-Hemasê ve, di meha Mijdarê de Husiyan jî dest deynabûn keştiyeke girêdayî Îsraîlê.
Dîmenên keştiya ‘Galaxy Leader’ ku Husiyan dest danibûn hat weşandin
