Artêşa Îsraîlê bi dijwarkirina êrişên xwe yên li ser Şerîda Xezayê re, li nava xaka Sûrî jî êrişên xwe berfireh kiriye.
Artêşa Îsraîlê careke din êrişî Şam û Quneytirayê kir.
Nûnerê taybet ê NY bo Sûriyê Geir Pedersen jî diyar kir ku ji bo çareseriya krîza Sûrî divê hêzên Tirkiye û hêzên din ji Sûriyê vekişin.
Şevê din li paytexta Sûriyê Şamê dengê teqînên bihêz hatin bihîstin.
Artêşa hikumeta Şamê ragihand ku Îsraîlê êrişî çend nuqteyên leşkerî yên li Şamê kir.
Her wiha diyar kir ku pergala parastina asmanî çend moşek bêbandor kir.
Navenda Çavdêriya Mafên Mirovan a Sûriyê ragihand ku artêşa Îsraîlê 3 caran êrişî bajarê Şamê kir.
Herêma Seyde Zeyneb, herêma Eqreba û balafirgeha Navnetweyî a Şamê hatin bombebaran kirin.
Xal, depoyên çekan û navendên hizbullaha Libnanî û çekdarên Îranê li herêmên navborî bûna armanc.
Di êrişa Îsraîlê de, 4 çekdarên Hizbullahê hatin kuştin
Hemwextî êrişa li dijî Şamê, Îsraîlê nuqteyek li gundewarê bakurê parêzgeha Quneytirayê jî bombebaran kir.
Di encamaê de, 4 çekdarên hizbullan hatin kuştin, 3 çekdar û 3 welatî jî birîndar bûn.
Li gorî çavdêriyê, artêşa Îsraîlê ji serê salê ve bêtirî 60 caran êrişî xaka Sûriyê kir.
Zêdetirî nîvê van êrişan piştî şerê Îsraîl û Hemasê pêk hatine.
Li Dêrazorê çeteyên DAIŞ’ê êrişî çekdarên Îranê kirin
Bi van êrişan re, çeteyên DAIŞ’ê li çolistanê êrişên xwe li dijî hikumeta Şamê û çekdarên Îranê zêdetir kirin.
Li bajarokê El-Eşara yê li Dêrazorê çeteyên DAIŞ’ê êrişî erebeyek çekdarên Îranê kirin.
Tê gotin, di encamê de kuştî û birîndar hene.
Doh çeteyên DAIŞ’ê li çolistana Reqayê êrişî sivîlan kirin.
Sivîl li çolê keviran kom dikin û li bazarê difroşin.
Di êrîşê de, ji wan sivîlek 5 leşkerên hikumetê hatin kuştin û 5 sivîl birîndar bûn.
NY: Ji bo çareserkirina krîza sûrî divê hêzên Tirkiyê derkevin
Di nava rewşek wiha de, ji bo çareseriya aloziya li Sûrî çareserî zehmet dibe.
Nûnerê taybet ê NY ji bo Sûriyê Geir Pedersen (Gêr Bîdirson) di dema vekirina 21. Foruma Dohayê li ser krîz Sûriyê axivî.
Geir Pedersen wiha got:
“Ji bo çareseriyekê li Sûriyê, divê çend mijar bên rojevê.”
Yek ji xalên sereke yên Pedersen ji bo çareseriyê destnîşan kirî, vekişîna hêzên Tirkiye û Amerîka ji xaka Sûrî ne.
Hemwextî vê, rakirina cezayên li ser Sûrî ye.
Her wiha divê ji bo bidawîkirina aloziyê jî nêzîkatiyeke nû ya hikûmet û opozîsyona Sûriyê hebe.”
