Ji bo hilbijartina encûmenên parêzgehên Iraqê tenê 5 roj man.
Ji ber li Iraqê alozî, êriş, bangên boykotê ya ji aliyê Sedir ve û nebûna serokê parlamentoyê ihtimala lidarnexistina hilbijartinan dixe pêş.
Lê komisyona hilbijartinên Iraqê bi israre ku hilbijartin di dema xwe de pêkbên.
Berdevka Komîsyona Hilbijartinên Iraqê Cumane Xelaî got: Tiştek nikare rê li ber hilbijartinê bigire, wê hilbijartin di dema diyarkirî de pêkbê.
Di 18’ê mehê de wê hilbijartinên encûmenên parêzgehên Iraqê pêk bên.
Ji ber li Iraqê alozî, êriş, bangên boykotê ya ji aliyê Sedir ve û nebûna serokek parlamentoyê ihtimala lidarnexistina hilbijartinan dixe pêş.
Di rewşek wiha de hilbijartin wê were kirin an ne, hertim bûye cihê pirsyarê.
Komîsyona hilbijartinê ya Iraqê: Wê hilbijartin di dema xwe de pêkbê
Lê komisyona hilbijartinên Iraqê bi israre ku hilbijartin di dema xwe de pêkbên.
Derbarê mijarê de berdevka Komîsyona Hilbijartinên Iraqê Cumane Xelaî û yek ji berpirsê di nava Çarçoveya Hemahengî de Elî Fetlawî axivîn.
Cumane Xelaî da zanîn ku komisyonê li ser asta teknîkî û lojistîkî hemû amadekariyên xwe temamkiriye.
Herwiha tedbîrên ewlekariyê jî hatine girtin û wê di saetên dema pêş de jî navendên dengdanê werin danîn.
Cumane di dewama axaftina xwe de dibêje; Tiştek nikare rê li ber hilbijartinan bigire, wê hilbijartin di dema diyarkirî de pêkbê.
Herwiha piştî 24 saet dengdanê jî wê encam werin ragihandin.
Ji bo serkeftina hilbijartinê hevdengiyek siyasî, hikumî û giştî heye, tê payîn tevlîbûn di astek baş de be.”
“Ti hincetek ji bo hilbijartin were paşxistin nîne”
Ji yek berpirsiyarê di nava Çarçoveya Hemahengî de Elî Fetlawî jî anî ziman bi ti awayî hilbijartin wê neyê paşxistin û wiha got:
Ji ber ku ti astengiyek ewlekarî û siyasî li hemberî vê nîne.
Tevî hinek kes û alî hewl didin hilbijartinên paşbixin jî, lê ti hêcetek ji bo paşxistina hilbijartinê nîne.
Hewldanên ji bo nakokî derxistinê jî bê sudin, ji ber ku wê hilbijartin çêbibe.”
Fetlawî dawiyê destnîşan kir ku hinek aliyên siyasî ji ber ji hebûna xwe ditrisin hene naxwazin hilbijartin çêbibe, lê ev yek bandora xwe li pêkanîna hilbijartinê nake.
