Serokê Amerîka Bide, tevî dibêje Îsraîl bê cudahî êrişî Xezayê dike jî lê piştevaniya xwe didomîne.
Çapemeniya Amerîka jî ragihand ku Îsraîl nêzî nîvê bombeyên bikar aniyî yên bê rêberî ne.
Bi gotineke din bê ku cih were destnîşankirin, bombeyên ku têne bikaranîn e.
Piştî ku Serokê Dewletên Yekbûyî yê Amerîka DYA Joe Biden rexne li Îsraîl kir ku di operasyona xwe ya li ser Xezayê de bê ferq û cudahî êriş dike, televîzyona Amerîkî CNN ragihand ku nêzîkî nîvê bombeyên ku Îsraîlê avêtine Xezayê, bê rêber bûn.
Di nûçeya CNN Internationalê ya ku li ser nirxandinên îstixbarata Amerîkayê hat weşandin de hat destnîşankirin ku ji sedî 40 heta 45’ê bombeyên ku Îsraîlê bikar aniye yên bombeyên bê rêberin.
CNN got;
Me rapora xwe li ser sê çavkaniyên ku analîza ji hêla Ofîsa Rêvebirê Îstixbarata Neteweyî ve hatî berhev kirin amade kiriye.
Tê texmînkirin di operasyonên Îsraîlê yên ji despêka 7’ê Cotmehê ve heta niha 29 hezar bombeyên esmanî hatine bikaranîn.
Mûşekên bê rêber metirsiya mirina sivîlan nemaze li deverên ku nifûsa wan zêde yên weke Şerîda Xezayê zêde dikin.
Berdevkê artêşa Îsraîlê Nir Dinar ji CNN’ê re diyar kir ku wan agahiyek derbarê cureya cebilxaneya ku bikar aniye de nedane.
Zextên li ser Îsraîl û hemas jî li ser DYA zêde dibin
Daxuyaniyên Biden û ronîkirina analîzên îstîxbarata Amerîkî di çapemeniyê de bû serdemeke ku cudahiya nêrînên di navbera Îsraîl û DYA’yê de di derbarê şerê Xezayê de zêde bibe.
Di daxuyaniya xwe ya roja Sêşemê de, Biden rexne li bombebaranên Îsraîlê kir û hişyarî da ku zêdebûna jimara qurbaniyên sivîl bandorek nerênî li ser piştgiriya navdewletî ji Îsraîlê re kir.
Jimara Filistîniyên hatîn kuştin gihişt 18 hezar 608’an
Li gor daneyên Wezareta Tenduristiyê ya Xezeyê ya girêdayî Hamasê, ji 7’ê Cotmehê ve herî kêm 18 hezar û 608 filistînî mirin û 50 hezar û 594 kes jî birîndar bûn.
Tê texmînkirin ku di bin xirbeyên avahiyên ku hê nehatine dîtin de bi hezaran cenaze hene.
Her wiha rêveberiya DYA’yê jî ji ber piştgiriya ji Îsraîlê re di bin zexteke zêde ya navnetewî de ye.
Astengkirina hewldanên agirbesta daîmî ya Amerîkayê di Konseya Ewlekariyê ya Neteweyên Yekbûyî (KENY) de, bû sedema rexneyan.
