Li ser şerê Îsraîl-Hemasê gelek welatên Rojhilata Navîn û Rojavayî metirsiyên xwe tînin ziman.
Bi taybetî rewşa sivîlên li Xezayê ku rewşa karesata mirovî derdixe pêş.
Wezîrê Karên Derve yê Fasê Nasser Bûrîta diyar kir ku li Şerîda Xezayê ya ku dorpêçkirî ye, rewş pir dijwar û nebaş e.
Burîta li paytext Rabatê bi Wezîrê Karên Derve yê Spanyayê Jose Manuel Albares ê ku duh hatibû Fasê re civîneke çapemeniyê li dar xist.
Wezîrê Fasê diyar kir ku ji ber ku şer li Şerîda Xezayê berdewam dike rewş pir dijwar e û nebaş bûye.
Nasir Bûrîta tekez kir ku ew piştgiriya rawestandina bilez a kiryarên leşkerî li Xezayê, armancnegirtina sivîlan û gihandina alîkariyên mirovî bi têr û bê asteng dikin.
Spanya: Me alîkarîdayîna ji Filîstînê re sê qat zêde kir
Wezîrê Karên Derve yê Spanyayê Albares jî destnîşan kir mafê Filistîniyan heye ku dewleta xwe ava bikin.
Albares wiha got, “Em piştgiriyê didin bidawîbûna şer û gihandina alîkariyê.
Ji ber vê yekê me alîkariya ku em didin Filistîniyan sê qat zêde kir.”
Wezîrê Îspanya Alberes duh di çarçoveya serdana xwe ya yekem a Fasê de piştî ku di hikûmeta nû ya ku di meha Mijdarê de hat avakirin weke wezîrê derve hat tayînkirin, duh hat Rabatê.
Pakistan: Divê civaka navneteweyî ji bo rawestandina êrîşên Îsraîlê gavan bavêje
Di civîna çapemeniyê ya heftane ya ku li avahiya Wezareta Karên Derve ya li paytext Îslamabadê hat lidarxistin de, Belûç destnîşan kir ku Pakistan bi tundî tedbîrên ku Îsraîl li dijî gelê Xezayê girtine şermezar dike.
Belûç hişyarî da ku êrîşên “berfirehtir” ên Îsraîlê yên li dijî Xezeyê dikare bibe sedema pevçûneke “berfireh û xeternak” ku tevahiya Rojhilata Navîn tê de cih digire
Her wiha Belûç destnîşan kir ku divê civaka navneteweyî ji bo rawestandina êrişên Îsraîlê gavan bavêje.
Erebîstana Siûdî: Divê parastina hemû sivîlan bê mîsogerkirin
Wezîrê Derve yê Erebistana Siûdî Feysel Bin Ferhan li paytext Londonê bi hevtayê xwe yê Îngilîz David Cameron re hevdîtin kir.
Feysel Bin Ferhan bal kişand ser girîngiya çêkirina şert û mercên pêwîst ji bo vegerandina îstiqrarê û riya aştiyê ya berfireh ku garantiya gihandina gelê Filistînê ji mafên xwe yên rewa bike.
Her wiha pêşhatên li Şerîda Xezayê û derdora wê û giringiya girtina tedbîrên pêwîst di vî warî de gotûbêj kirin.
Herwiha tekezî li ser wê yekê kir ku pêwîste rê li ber belavbûna tundûtûjiyê bê girtin, parastina hemû sivîlan bê misogerkirin û ji bo agirbestê gav bên avêtin.
Li Şerîda Xezayê nêzî 100 hezar avahî xezar dîtiye yan hilweşiyaye
