Piştî 9 salan ciwaneke din yê Êzidî ku ji aliyê şervanên QSD’ê ve ji nava lepên DAIŞ’ê hatibû rizgarkirin gihişt malbata xwe.
Ciwanê bi nav Rojîn di 17 saliya xwe de li cihê ku dîl ketibû destê DAIŞ’ê ji aliyê YBŞ’ê ve radestî malbata wî hate kirin.
Malbat bi belavkirina şirînahiyê ew pêşwazî kirin û yek bi yek Rojîn kirin hembêza xwe de.
Dayîka Rojîn ku di cejna rojiyên Êzî de kurê xwe hembêz kir spasiya şervanan kir û anî ziman ev roj li me bû du cejn.
Ciwanê Êzidî yê bi navê Rojin di 8 saliya xwe de ji ber reva PDK’ê ya ji Şengalê mîna bi hezaran Êzidiyên din kete destê DAIŞ’ê.
Lê Rojin bi şans bû ku li cihê dîl ketibû dest, azad bû.
Rojîn yê di 17 saliya xwe de azad bû di cejna rojiyên Êzî de ji aliyê YBŞ’ê ve radestî malbatê hate kirin.
YBŞ’ê Rojîn radestî malbatê kir: Rondik, ken û girî tevlihev bûn
Li milekî kêfxweşiya rizgarkirinê, li aliyê din rondikên êşa mezin a ji destê çeteyan li ser rûyê her kesî li hev kom bûn.
Dayîka Rojîn: Ev roj li me bû du cejn
Dayîka Rojîn ku bi kêfxweşiyek bêhempa kurê xwe hembêz kir got: “Xwedê mala hevalan ava bike, kurê min gihandin me. Ev roj li me bûye du cejn.”
Di fermana 3’ê Tebaxa 2014’an de DAIŞ’ê bi hezaran Êzidî revandin.
Ji fermanê heta niha ev 9 sal in bi sedan Êzidî bi operasyonên taybet ên QSD’ê û YBŞ’ê de hatin rizgarkirin û car din vegeriyan malbatên xwe.
Ciwanê bi navê Rojîn Hedad ê ji Komelgeha Herdan ya Şengalê jî yek ji wan e.
Dema çeteyên DAIŞ’ê di fermana 2014’an de êrîşî Şengalê dikin Rojîn wê çaxê tê revandin û ji bo Sûriyê tê veguhestin.
Li wir tevî beşek ji zarokên Êzidî li bazerekî kirîn û firotinê yê dîlên di destê DAIŞ’ê de ji aliyê çeteyekî DAIŞ’ê yê li Baxozê tê kirîn.
Piştî 9 salan ji aliyê Asayişa Bakur û Rojhilatê Sûriyê ve hat rizgarkirin
Mijdara 2023’an Rojîn ji aliyê Asayîşa Rojava ve tê rizgarkirin û radestî mala Êzidiyan a li herêma Cizîrê tê kirin.
Rojîn li heman cihê ku beriya 9 salan destê wî ji malbata wî qut bû, di roja Rojiyên Êzî de ku cejnekî taybete careke din bi malbata xwe re şa dibe.
https://youtu.be/5mv0AYiPMVk
