Li Dewletên Yekbûyî yên Amerîkayê hîna jî alîkariya ji bo Ukraynayê nîqaş didomin.
Li Kongreya Amerîkî de piraniya komarparêzan dayîna alîkariyê napejirînin.
Qesra Spî û hin rayedarên Ukraynayê jî didin ku bêyî alîkariya Amerîkayê ji Ukraynayê re dibe ku şerê bi Rûsyayê re winda bibe.Qesra Spî diyar kir ku ji ber nepejirandina alîkariyên Ukraynayê di Kongreyê de pakêta alîkariyê ya ku ji bo Ukraynayê amade kirine, dibe ku ya dawî be
Dîrektorê Ragihandina Stratejîk a Konseya Ewlekariya Neteweyî ya Qesra Spî John Kirby di civînekî de daxuyanî da rojnamevanan.
Kirby diyar kir ku ew ê beriya sersalê ji bo Ukraynayê pakêteke nû ya alîkariyê ragihînin û wiha got:
“Dema ev yek pêk hat, ji bo alîkariya Ukraynayê êdî fonên me namînin.”
Kirby bang li Kongreyê kir ku alîkariya ji bo Ukraynayê bipejirîne û ev tişt anî ziman:
“Hîn jî pêwîstiya Ukraynayê bi alîkariya me heye.
Dem hatiye ku Kongre ji bo azadî û demokrasiyê rabe û li gorî berjewendiyên xwe yên ewlehiya neteweyî tevbigere.”
Li Kongreya Amerîkî krîza ‘alîkariya Ukraynayê’
Di dema ku gotûbêjên tund li Kongresa Amerîkî derbarê alîkariya ji bo Ukrayna berdewam bûn, Komarparêzan li Senatoyê rê li dengdana li ser daxwaza budceya 105 milyar dolarî ya serokê Amerîkî Joe Biden, ku tê de alîkariya ji bo Îsraîl û Ukraynayê jî hebû, girt.
Biden ji bo Îsraîl 14 milyar dolar û ji Ûkraynayê 61 milyar dolar butçeyek 105 milyar dolarî xwestibû.
Lêbelê Komarparêzên Kongresa Amerîkî, bi serkêşiya kesên di Senatoyê de, li dijî pesendkirina vê bûdceyê bêyî pêkanîna amadekariyên ku ew dixwazin, bi taybetî hin guhertin di siyaseta koçberiyê de ne.
Qesra Spî û hin rayedarên Ukraynayê hişyariyê didin ku bêyî alîkariya Amerîkayê ji Ukraynayê re dibe ku şerê bi Rûsyayê re winda bibe.
