Piştî zextên zêde yên li qada cîhanî ji Îsraîl û Hemas bo agirbesteke nû peyamên nermkirinê derketin.
Hemwextî vê pêçnûçeya agirbesta Îmaratê ya li Konseya Ewlekariyê ya NY careke din hate taloqkirin.
Lê wê dengdan îro careke din pêk were.
Di dema ku şerê di navbera Îsraîl û Hamasê de li Xezayê dewame, aliyan îşaret kirin ku ew ji agirbesteke mirovî ya nû re vekirî ne.
Serokê Îsraîlî Îshaq Herzog şevê din di daxuyaniyekê de ragihand ku “welatê wî ji bo destwerdaneke nû ya mirovî û alîkariyên mirovî yên zêde ji bo misogerkirina azadkirina girtiyan amade ye”.
Tê çaverêkirin ku Serokê Buroya Siyasî ya Hemasê Îsmaîl Heniye jî îro biçe Misirê û li ser agirbestê û serbestberdana dîlan gotûbêj bike.
Tê plankirin ku Haniye bi Serokê Îstixbarata Misirê Ebbas Kemal re jî bicive.
Li Neteweyên Yekbûyî ji bo agirbesta li Xezayê dengdan
Dengdana li Konseya Ewlehiyê ya Neteweyên Yekbûyî ya li ser pêşnûmeya biryarê ya ku ji bo li Xezayê gihandina alîkariyên mirovî bê astengî were şandin û agirbest bê îlankirin careke din hat taloqkirin.
Di êrîşên Îsraîl ên ku li Şerîda Xezayê bi armanca “îmhakirina Hemasê” operasyonên hewayî û bejayî li dar xist de windahiyên sivîlan gihişt 20 hezarî.
Di dema ku piraniya kesên hatin kuştin jin û zarok bûn, Îsraîl ku êrîşên xwe didomîne, hîna nekariye 129 rehîneyên ku ji aliyê Hamasê ve hatine revandin rizgar bike.
Beşek ji rehîneyan bi şaşîtî ji aliyê leşkerên Îsraîlê ve hatin kuştin.
Dengdana agirbestê cara duyem taloq bû
Hewldanên dîplomatîk ên ji bo ragihandina agirbestê û gihandina alîkariyên mirovî yên li Xezzeya ku hedefa operasyonên di bin dorpêça Îsraîlê de ye, li Konseya Ewlehiyê ya Neteweyên Yekbûyî bê encam man.
Hat diyarkirin ku ji ber ku Dewletên Yekbûyî yên Amerîka (DYA) ku xwedî mafê vetoyê ye qaneh nebû dengdayîn hat taloqkirin.
Alîkarê Nûnerê Daîmî yê Amerîkayê Robert Wood got:
“Em hîn jî bi aktorên din re li ser pêşnûmeya biryarê dixebitin.
Ez nikarim bêjim ku em niha gihiştine çi astê, em ê li muzakereyên ku bên kirin binêrin.”
