Ji bo şerê di navbera Rûsya û Ukraynayê de çareseriyek tê gerandin.
Serokê Rûsya Vladimir Putin anî ziman ew amede ne di mijara Ukraynayê de danûstandinan bikin.
Lê belê Serokê Ukraynayê Zelensky danûstandinên bi Rûsyayê re red dike.
Her wiha Zelenskî ji Yekîtiya Ewropa, Amerîka daxwaz dike ku piştgiriyê xwe bidomînin.
Serokê Rûsyayê Vladimîr Pûtîn anî ziman eger Amerîka û Ewropa bixwazin, ew amade ne li ser paşeroja Ukraynayê gotûbêjan bikin, lê ewê berjewendiyên welatê xwe biparêzin.
Pûtîn bi Wezîrê Parastinê Sergey Şoygu û rêveberên payebilind ên wezaretê re hevdîtin kir û têkildarî Ukraynayê daxuyanî da.
Putîn di daxuyaniya xwe de wiha got:
“Ukrayna, Ewropa û Amerîkayê ku li dijî Rûsyayê helwesteke êrîşkar raber dikin danûstandinê dixwazin, bila bixwazin.
Lê belê em tenê li gorî berjewendiyên xwe yên neteweyî hevdîtinan dikin”
Pûtîn şerê li dijî Ukraynayê dîsa wekî “operasyoneke leşkerî ya taybet” bi nav kir û wiha got:
“Em ê di operasyona leşkerî ya taybet de dev ji armancên xwe bernedin.”
Pûtîn anî ziman ku şerê li Ukraynayê kêmasiyên Rûsyayê yên di warê parastinê de derxistiye holê
Her wiha diyar kir ku pêwîstiya wan bi zêdetir balafirên bêmirov, parastina hewayî ya baştir û sîstemeke nûjen a peywendiya satalaytê heye.
Rûsya di çarçoveya hiqûqa navneteweyî de ji sedî 17,5’ê axa Ûkraynayê kontrol dike.
Zelenskiy: Amerîka dê îxanetî li me neke
Lîderê Ukraynayê Zelenskiy derbarê alîkariya aborî ya ku bi Kongreya Amerîkayê re asê maye de got:
“Amerîka xiyanetê li Ukraynayê nake.”
Serokê Ukraynayê Volodymyr Zelenskiy diyar kir ew di wê baweriyê de ne ku di şerê welatê wî yê li dijî Rûsyayê de dê piştgiriya Amerîka û Yekîtiya Ewropayê (YE) berdewam bike.
Komarparêzên ku piraniya wan di Senatoya Dewletên Yekbûyî de ne, nehiştin ku pakêta 106 mîlyar a ku alîkariya Ukrayna û lsraîl dike, di destpêka Kanûnê de were dengdan.
Di pakêtê de 61,4 milyar dolar alîkarî ji bo Ukraynayê û 14,3 milyar dolar jî ji bo Îsraîl hat pêşbînîkirin.
Zelensky danûstandinên bi Rûsyayê re red kir
Zelenskiy diyar kir ku ew nikare pêşbîniyê bike ka dê şerê li Ukraynayê kengê biqede û danûstandinên muhtemel ên bi Rûsyayê re jî red kir.
Derbarê Rûsyayê de Zelenskî wiha axivî:
“Ez nabînim ku di vê mijarê de daxwaza Rûsyayê heye. Ez vê yekê di kirinên wê de nabînim.
Tişta ku ez dibînim di axaftina wan de xwe mezin dîtin û kuştin e.”
