Parlamenterê Danîmarkayê yê Parlamentoya Ewropayê Nikolaj Villumsen got:
“Divê Yekitiya Ewropayê demildest ji bo azadiya Rêberê Kurdan Abdullah Ocalan bang bike.”
Nikolaj Villumsen der barê tecrîda girankirî ya li dijî Rêber Abdullah Ocalan axivî .
Villumsen diyar kir ku tecrîda girankirî ya li ser Rêber Abdullah Ocalan binpêkirina mafên mirovan e û got:
“Tecrîd di heman demê de mînaka bêtehemuliya serokkomar Erdogan e.
Şikandina tecrîda li ser rêberê Kurd Abdullah Ocalan, di pêvajoyeke aştiyê de gelekî girîng e ku pêwîstî pê heye.
Divê zext û bala navneteweyî li ser pêwîstiya çareseriya aştiyane û demokratîk a pirsgirêka Kurd a li Tirkiyeyê be. ”
Villumsen diyar kir ku Erdogan ne tenê gelên Tirkiyeyê, di heman demê de bi êrişkariya xwe ya bêhiqûqî û êrişên xwe yên li hemberî Kurdên li Rojava û Kurdistana Iraqê re hiqûqa navneteweyî binpê dike.
Nikolaj Villumsen herî dawî tekez kir divê YE banga tavilê serbestberdana Abdullah Ocalan bike.
Rewşenbîrên Ereb: Divê her kes ji bo azadiya Abdullah Ocalan karbike
