Koordînasyona KJK’ê bi wesîleya sala nû peyamek weşand û got:
Li ser bingehê Şaristaniya Demokratîk, em ji her demê zêdetir êrîşên dijmin bi biryardariyeke mezin, pêşwazî bikin. Ji bo ku em di sala 2024’an de bi Rêbertî re hevdîtin bikin, emê misyonên xwe bi cih bînin.
KCDK-E Jî diyar kir ku ji bo sala 2024’an bibe sala azadiya Rêbertî û Kurdistanê banga bilindkirina têkoşînê kir.
Komalên Jinên Kurdistanê-KJK’ê bi wesîleya sala nû daxuyaniyek da û diyarkir ku wê sala nû li ser bingeha Şaristaniya demokratîk hîn xurtir pêşwazî bikin û ev nirxandin kir:
“Di destpêka sedsala 21’an de paradîgmaya Şaristaniya Demokratîk a Rêber Apo û paradîgmaya şaristaniya dewletparêz şer kirin.
Ev şer li qadên siyasî, leşkerî, civakî yên Kurdistan û Rojhilata Navîn di asta herî bilind de qewimî.
Li ser bingehê Şaristaniya Demokratîk, em ji her demê zêdetir êrîşên dijmin bi biryardariyeke mezin, pêşwazî dikin.”
KJK: Rêber Apo pêşengê felsefeya jinên azad e
Koordînasyona KJK’ê balkişand li ser têkoşîna Rêber APO û bandora fikrê wî û got:
“Fikir û felsefeya Rêber Apo li herêmê û cîhanê hatiye naskirin.
Rêbertî bi hilweşandina hemû şert û mercên tecrîdê, her ku diçe bandora xwe zêde dike.
Di vî warî de Rêbertî weke pêşengê gelan û jinan tê pênasekirin.
Tevî her cure êşkence û êrîşa ku di Şerê Cîhanê yê 3’emîn de hatî ferzkirin, ev rastî serketinek mezin e.”
KJK: Em ê sala 2024’an bikin sala hevdîtina bi Rêber Apo re
Komalên Jinên Kurdistanê KJK’ê di dawiya peyama xwe de wiha got:
“Pergala Neteweya Demokratîk wê di sala nû de li ser bingeha şoreşa azadiya jinê teşe bibe.
Em sala nû li mîmarê jiyana azad li Rêber Apo ku dîroka me ya tarî ronî kir, pîroz dikin.
Ji bo ku em di sala 2024’an de bi Rêbertî re hevdîtin bikin, misyonên xwe bi cih bînin.
Em sala nû li tevgera me ya azadiyê ya ku ji vê yekê berpirsyare, li hemû jinên demokrat ên ku azadiyê vediguherînin felsefeya jiyanê, li dayikên xwe yên xwedî helwesteke bi nirx û bi rûmet û li ciwanên xwe yên bi hêz pîroz dikin.
KCDK-E’yê bi peyamekê sala nû pîroz kir
Kongreya Civakên Demokratîk a Kurdistaniyên Li Ewropa (KCDK-E) bi daxuyaniyeke nivîskî sala nû pîroz kir û got:
“Tifaqa faşîst a AKP-MHP’ê li dijî hemû nirxên gelê Kurd konsepta tinekirinê hîn dijwartir kir.
Bi girankirina tecrîda li ser Rêber Apo, rê û rêbazên êrîşên nû dewam kir.”
Weke KCDK-E em sala nû ya gelê Kurdistanê û dostên wê û hemû kesên ku ji bo azadiyê, demokrasiyê têdikoşin, pîroz dikin.
Ji bo ku sala 2024’an bibe sala azadiya Rêbertî û Kurdistanê em bang li her kesê dikin ku seferber bibin û têkoşînê geş bikin.”
