Li dijî êrîşên Hûsiyan Amerîka û Îngîlîstanê bi hev re tevbigerin.
Dibe ku Fransa jî piştgiriyê bide van welatan.
Her wiha Amerîkayê ragihandibû sê keştiyên Husiyan ku dixwestin li Behra Sor keştiyeke bazirganiyê bidest bixin bin av kirin.
Hat ragihandin Îngîlîstanê jî plan dike li dijî Hûsiyan êrîşên hewayî pêk bîne.
Li Behra Sor şer û pevçûnên di navbera Hûsiyan û koalîsyona ku Amerîka ava kir didome.
Îngîlîstanê jî tevlî operasyonan dibe, ku Wezîrê Parastinê yê Îngîlîstanê derbarê vê yekê de daxuyaniyek da.
Wezîrê Parastinê yê Îngîlîstanê Grant Shapps diyar kir ku hikumetê wan pêşî li êrîşên Behra Sor bigire.
Dibe ku Fransa jî piştgiriyê bide van welatan.
Li aliyê din Amerîkayê da xuyakirin li peravên Yemenê Husiyan hewl dan keştiya bazirganiyê ya bi navê ‘Maersk Hangzhou’ bi dest bixin.
Di daxuyaniyê de hat diyarkirin ku helîkopterên ku ji keştiyên şer ên Amerîkayê yên li herêmê rabûn, ewil fîşekên hişyariyê avêtin 4 keştiyan û paşê 3 ji wan binav bûn.
Hat ragihandin ku gelek xebatkarên keştiyên binavbûyî mirine.
Husiyan diyar dikin ku armanca êrîşên wan ên li Behra Sor ew e ku piştî 7ê Cotmehê dawî li êrîşên hewayî û bejayî yên Îsraîlê yên li ser Xezeyê bînin.
Keştiya şer a hêzên deryayî yên Îranê ket Behra Sor
Ji aliyeke din ve ajansa fermî ya Îranê Tasnim ragihand ku, keştiya şer a Îranê ya bi navê Alborz roja duşemê derbasî nav Behra Sor bû.
Li gorî nûçeya Tasnim, keştiya di bin fermandariya firqeya 94’an a hêzên deryayî yên Îranê de, piştî derbasbûna ji Tengava Bab El-Mendeb di çarçoveya erkên asayî yên li avên navnetewî de, derbasî Behra Sor bû.
Di nûçeyê de wiha hate gotin:
“Hêzên deryayî yên Îranê ji sala 2009’an ve ji bo ewlekirina xetên keştiyê, şerê korsanan û pêkanîna karên din li avên vekirî tevdigerin”.
