Komîteya Rêveber a PKK’ê bi boneya salvegera komkujiya Parîsê daxuyanî da.
PKK’ê destnîşan kir, hesabpirsîna ji komkujiyên Parîsê wê dewam bike û got: “Ev komkujî parçeyek ji êrîşên mêtingerî û qirkirinê ye.
Ji ber vê yekê, divê ev komkujî, ji rêzê û sivik neyên nirxandin û ji bo ronîkirina van komkujiyan bêyî derengmayînek, wê hesab bê xwestin”
Komîteya Rêveber a PKK’ê bi boneya salvegera 11’an a komkujiya Parîsê daxuyanî da.
Di daxuyaniya PKK’ê de hate gotin:
“Beriya her tiştî tevî ku kujer û hêzên li pişt komkujiyê eşkere ne, dewleta Fransayê ku herdu kujerên komkujiyên Parîsê nedarizand.
Hewl da binixumîne, ji ber ku pêwîstiya edalet û hiqûqê ya demokratîk bi cih neanî, em vê bi tundî şermezar dikin.”
Di daxuyaniya Komîteya Rêveber a PKK’ê de îşaret bi van xusûsan hate kirin:
“Li ser vê bingehê di salvegera 11’emîn a komkujiya yekemîn de em şehîdên gelekî hêja yên herdu komkujiyên Parîsê bi mineteke mezin bi bîr tînin.
Em soza xwe careke din dubare dikin ku armancên wan bi ser bixînin û xwedî li bîranînên wan derkevin.
Her çend dewleta Fransayê hewl dide veşêre jî em û raya giştî ya demokratîk kujerên herdu komkujiyên Parîsê û hêzên li pişt wan baş nas dikin.
Biryara herdu komkujiyan ji aliyê Rêveberiya Tayyîp Erdogan ve hate dayin û ji aliyê Hakan Fîdan ve bi cih hate anîn.
Tevî ku bûyer ewqasî eşkere ye û 11 sal di ser re derbas bûne jî dewleta Fransayê rastî ji raya giştî re eşkere nekir.”
PKK’ê diyar kir ku divê komkujiyê Parîsê bên ronîkirin û hesabê wan bê pirsîn û wiha domand:”
Ev komkujî parçeyek ji êrîşên mêtingerî û qirkirinê ye.
Bi awayekî zanebûn yek ji damezirênerên partiya me hevrê Sakîne Cansiz kirin armanc.
Bi esasî hedefgirtina jinên şoreşger, êrîşa li dijî xeta azadiya jinê û jiyana azad e.
Ji ber vê yekê, divê ev komkujî, ji rêzê û sivik neyên nirxandin û ji bo ronîkirina van komkujiyan bêyî derengmayînek, hesab bê xwestin.”
Komîteya Rêveber a PKK’ê herî dawî got: “Têkoşîna li dijî komkujiyê di sala 11’emîn de di nava tevgerek mezin de tê meşandin.
Heta ku hemû sûcdar bên darizandin û edalet pêk were wê ev têkoşîn bidome.
Em bang li gelê xwe û dostên xwe dikin ku bi çalakiyên mezintir pêdiviyên edaleta şoreşgerî di pratîkê de bi rengekî serketî bi cih bînin!”
