Rêxistina Mafên Mirovan a Efrîn-Sûriye ragihand ku çeteyên Tirkiyê 2 xwişk ji gundê Goliya Jorîn ê navçeya Raco yê Efrînê revandine.
Her wiha rêxistinê lîsteyek ku tê de navê jinên di girtîgehên çeteyan de ne, eşkere kir.
Di nava wan de 2 jin cezayê bidarvekirinê li wan hatine birîn.
Ev sûc hêrsa jinên herêmê zêde kirin û bang li raya giştî kirin ku rê li ber van sûcan bigirin.
Heman rêxistinê lîsteyek bi navê jinên li girtîgehên çeteyan bi raya giştî re parve kir.
Li gorî wê lîsteyê 9 jinên kurd û yeke ereb di girtîgeha Efrînê ya navendî de ne.
Di nava wan de 2 jin cezayê bidarvekirinê lê hatine birîn.
Jinên Minbic: Divê rêxistinên mirovî bi erka xwe rabin
Hevserokatiya Mûdiyeriyeta Bazirganiyê Nisrîn Elî derbarê mijarê de axivî û diyar kir ku li herêmên dagirkirî jin ji mafên xwe yên herî serkek bê parin û got:
Bêdengiya cîhanî hiştiye ku sûcdar hêzê bigirin û sûcên xwe bidomînin.
Em ê heta dawiyê têkoşîna azadiya jinê bimeşînin û hewl bidin xwe bighînin hemû jinan.
Berpirsyara Mala Jin Emîna Cerah jî bang li tevahî jina kir ku li dijî van sûcan bêdeng nemînin û têkoşînê bidomînin-.
Ji rêveberên kombûna jinan ya Zenûbiya Emîra Axa cezayê darvekirina her du jinan şermezar kir û wiha anî ziman:
Ev sûc li dijî mirovahiyê ye.Em bang li raya giştî, taybet rêxistinên mafên mirovan dikin ku bi erka xwe rabin.
Jinên Reqa: Zêhniyeta DAIŞû dewleta Tirk ji hev ne cuda ye
Jinên Reqayê jî bertek nîşanî hovîtiya Tirkiyê dan û gotin:
Zêhniyeta DAIŞ û Dewleta Tirk ji hev ne cuda ye.
Tirkiyê bi van binpêkirina dixwaze jinê bê vîn û îrade bihêle.
Her wiha dixwaze gel bide koçberkirin û herêmê li gorî berjewendiyên xwe bimeşîne.
Divê cîhan çavê xwe ji van sûcan re negire û bi erka xwe rabe.
