îro salvegera 12’an a şehadeta şoreşger û fermandarê şoreşa rojava xebat Dêrike.
Xebat dêrik ku hîmê parastina gelên herêmê danî îro şervanên wî li ser şopa wî li dijî xayîn û dagirkeran têdikoşin.
Mehmûd Remedan Mihemed ku weke Xebat Dêrik jî tê naskirin, şoreşger û fermanderek bû ku ji bo azadiya gelê xwe canê xwe feda kir.
Di sala 1962’an de li gundê kêsanê yê ser bi Dêrikê ve ji dayîkbûye.
Şehîd Xebat ji ber leşkeriya neçarî diçe Lûbnanê.
Di sala 1985’an de Tevgera Rizgariya Netewî a Kurdistanê nas dike.
Ji wê rojê ve baweriya rizgarî, serfirazî û azadiyê PKK’ê de dibîne, êdê mehmûd di jiyana xwe de derbasî pêvajoya vejînê dibe êdî ew Xebate xebatkar û fedayê gelê xwe û welatê xwe ye.
Di dewreyek perwerdeyê ya ji hêla rêber Abdullah Ocalan re derbas dibe û di 1987’an de berê xwe dide çiyayên Kurdistanê.
Li çiyayên Kurdistanê bû şervan lê ji ber taybetmendiyên xwe di demek kin de hêviyên mezin pêve hatin girêdan û her ku çû di astên cûda cûda de erkên fermandariyê girtin.
Xebat Dêrik fermandariya ayaletên Garzan, Amed û Botanê kir.
Li gelek qadên bakurê kurdistanê derbên giran li faşîzmê da û bû hêviya gelê Botanê dengê wî li her dever veda.
Lewra bi navê “Xebat Botan” hat naskirin.
Herî dawî dema ku li Rojavayê Kurdistanê ji milekî de firseta dîrokî û ji milekî de metirsiya komkujiyan pêşdiket wî bi hjmarek şervanên xwe ve li ser daxaza gel berê xwe da rojava.
Fermandar Xebat bû yek ji stûnên şoreşa Rojava û YPG’ê
Şehîd xebat di çarçoveya felsefeya Rêber Apo de ciwanên rojava rêxistin kir, girîngî da parastina cewherî û amadekariya damezirandina YPG’ê kir.
Ji ber dizanîbû gelê ku ne xwediyê parastina cewherî be wê taliya wî komkujîbe û qirkirin be.
Fermandar Xebat Dêrik her tim digot heke hêzên xweparastinê yên gelê Kurd wê demê hebûna, rejîma Baas komkujî 12’ê adarê 2004’an pêk nedianî.
Lewra rêgezên bingehîn ên hêzên xweparastinê danîn.
Li her qadê bi ked ,dilnizmî di pêşiya şervanên xwe de diçû ser erkan ,ew mînaka fermandarê rast yê Apoyî û fermandarê gelêrî bû.
Malbata Ebdelayê Bedro ku bi têkiliyên xwe yên bi Mît a tirk re û bi Mûxaberatên Sûriyê re dihat naskirin, îxanet li nirxên gel û şoreşê kiribû û nirxê gel desteser kiribû.
Di 7’ê meha Çile fermandar Xebat Dêrik ji bo çareserkirina pirsgirêk diçe mala wan a Taxa Xerbî a Qamişlo, ev malata îxanetkar bi xedarî êrişê Xebat dêrik dikin û fermadar xebat birîndar dikeve û 14’ê Cile de şehîd dikeve.
Lê şervanên Xebat dêrik li dijî xiyanetkar, dagirkeran 19’ê Tîrmeha 2012’an YPG’ê ava dikin.
Ev YPG ya ku hîmê wî şehîd Xebat danî bû YPJ, QSD, planên Nato, Tirkiyê, PDK, Hikûmeta Şamê têk bir û ev hîm mirovahî li terora DAIŞ’ê parast.
Ev yek mîrate, tecrûbe û keda fermandar Xebat Dêrik e.
