Ev bû 16 roj in bajarê Kobanê bê elektrîk e.
kantona firatê û 660 gundên wê ji ber êrişên dewleta tirk di taritiyê de jiyan dikin.
Hevseroka Ofîsa Enerjiyê ya Kantona Firatê Eyşe Nasir axivî û got:
Êrîşên tên kirin yekser vîna gel tê armanc kirin, lê em ê ji bo gelê xwe di nava xizmetê de bin.
Dewleta Tirk a dagirker di 14’ê Çileyê de êrîş bir ser stasyona elekrîkê ya Kobanê û ji hingî ve bajar û gundewarên wê bê elektrîk e.
Di heman demê de dewlet Tirk êrîş bir ser cihê elektrîkê yê Eyn Îsayê û di encamê de 300 gund û navçeya Eyn Îsayê bê elektrîk man.
Hevseroka Ofîsa Enerjiyê ya Kantona Firatê Eyşe Nasir têkildarî êrîşa dewleta Tirk a dagirker a li ser stasyona elektrîkê ya li Kobanê axivî.
Eyşe Nasir: 300 gund û navçeya Eyn Îsa bê elektrîk man
Eyşe Nasir li ser bandorên êrîşan got: “Dewleta Tirk li Kantona Firatê jî cihê xizmeta gel kir hedefa xwe.
Li Eyn Îsayê stasyona elektrîkê ku 10 Megawatt elektrîk dida navçe û gundewarên wê, hate bombekirin.
Di encamê de stasyona elektrîkê ya Eyn Îsayê ji xizmetê derket.
Di encamê de 300 gund û Navçeya Eyn Îsayê bê elektrîk man.
“Li Kobanê û Eyn Îsayê 660 gund bê elektrîk man”
Eyşe Nasir di berdewama nirxandinê xwe de wiha bahsa zirarên êrîşan kir:
“Di êrîşa dewleta Tirk a dagirker de Regulator ê Kobanê hate bombekirin.
Di encamê de bajarê Kobanê û 360 gund ji 14’ê Çileyê de bê elektrîk e.
Li Kobanê û Eyn Îsa bi giştî 660 gund bê elektrîk mane.”
Eyşe Nasir destnîşan kir ku ev ne êrîş ne nû ne, rojane êrîş berdewam dikin û got;
“Dewleta Tirk bi van êrîşan dixwaze tola DAÎŞ hilîne û jinûve geş bike.
Dewleta Tirk bi wan êrîşan carek din hovîtiya xwe ya li hemberî kurdan nîşan da”
Eyşe Nasir: Em ê ji bo gelê xwe di nava xizmetê de bin
Hevseroka Ofîsa Enerjiyê ya Kantona Firatê Eyşe Nasir di dawiyê de got;
“Ev bû 16 roj in bajarê Kobanê bê elektrîk e.
Ew jî ji ber herdu Regulatorên ku hatin hedefgirtin ku eleketrîk ne li Kobanê ne jî li gundewarên wê hebe.
Karê ku niha tê kirin ew e ku li her taxeke Kobanê motorên ku elektrîkê dide were danîn, heta ku herdû Regulatorên tên çêkirin.
Êrîşên tên kirin yekser vîna gel tê armanc kirin, lê em ê ji bo gelê xwe di nava xizmetê de bin.”
