Lêkolînerê pirsgirêkên terorê Hesen Ebû Heniye hişyarî da ku çeteyên DAIŞ`ê dê sûdê ji firehbûna qada şer bigirin û xwe ji nû ve bi rêxistin bikin û got:
“Hin dewlet hene naxwazin DAIŞ bi temamî were qedandin, lê dixwazin sînordar be, ji bo hebûna xwe ya li herêmê bikin hincet.
Koalîsyona Navnetewî têkoşîna li dijî DAIŞ’ê bi paş xistiye.
Firehbûna qada şer ji bo DAIŞ’ê derfetek e.”
Piştî êrîşên dewleta Tirk a dagirker ên li dijî herêmên Bakur û Rojhilatê Sûriyê liv û tevgera çeteyên DAIŞ’ê li herêmê zêde bû.
Lêkolînerê pirsgirêkên terorê Hesen Ebû Heniye derbarê metirsî û liv û tevgera çeteyên DAIŞ’ê ve axivî.
Hesen Ebû Heniye diyar kir ku şerê di navbera Îran û Amerîka bandorê têkoşîna li dijî DAIŞ’ê kiriye û got:
“Encamên şerê Hemas û Îsraîlê hişt ku Dewletên Yekbûyî bi dozên jeosiyasî mijûl bibin da ku şer bi Îranê û milîsên wê re berfirehtir nebe.
Ji ber vê yekê têkoşîna li dijî çeteyên DAIŞ’ê bi paş ketiye û êdî wekî armancên pêşîn nîn e.
Çeteyên DAIŞ’ê jî vê yekê ji bo xwe bikartînin”
Li gorî lêkolîner Ebû Heniye, çeteyên DAIŞ’ê di bikaranîna aloziyên wiha de pispor e û wiha domand:
“Me dît çawa çeteyên DAIŞ bi destpêka şerê li Xezayê re ji nûve kete tevgerê û êrişên xwe zêde kirin.”
“Stratejiya Koalîsyona Navneteweyî ne qedandina DAIŞ’ê ye”
Hesen Ebû Heniye stratejiya Koalîsyona Navneteweyî ya li hember çeteyên DAIŞ’ê jî rexne kir û got:
“Hin dewlet hene naxwazin DAIŞ bi temamî were qedandin, lê dixwazin sînordar be, ji bo hebûna xwe ya li herêmê bikin hincet.
Ji destpêkê ve stratejiya Koalîsyona Navneteweyî ne qedandina DAIŞ’ê ye, lê belê derxistina wê ji cihên di bin kontrola wê de ye.
Dîsa jî ev stratejî ji dûr ve tê meşandin ku xwe dispêre balafirên bêmirov û xebatên îstîxbaratî.
Ev jî pirsgirêkekê çêdike.”
Hesen Ebû Heniye: Firehbûna qada şer ji bo DAIŞ’ê derfetek e
Ebû Heniye di dawiya axaftina xwe de wiha got:
“Eger şerê herêmî û navneteweyî gur bibe, DYA’yê bi şerê li Ukrayna, Deryaya Başûr a Çînê, Filistîn û şerê li dijî Hûsiyan mijûl bibe, hingî dê çeteyên DAIŞ careke din xwe baş bi rêxistin bike.
Yek ji stratejiyên DAIŞ’ê wêrankirina girtîgehan e mîna ku li girtîgeha Xiwêran a li Hesekê kir.”
Fermandar Kanî Ehmed: Li kampa Holê gelek çek û şaneyên DAIŞ’ê hatin girtin
