Erdogan ku her carê ji bo Serokomarê Misirê Sîsî digot, “Zalim, kujer û derbekar” duh çû Misirê.
Erdoganê ku timî digot ez ti car bi Sîsî re rûnanim pê re hevdîtin kir.
Gotinên xwe yên berê hemû ji bîr kir û got, “Birayê min ê hêja Sîsî” û ew vexwend Tirkiyê.
Serokomarê rejima faşîst ya Tirkiyê Erdogan bi tevî malbata xwe doh serdana Misirê kirin.
Erdogan û Serokomarê Misirê Ebdulfetah El Sîsî civiyan.
Erdogan ji sala 2013’an ve cara yekemîne diçe Misirê.
Erdoganê ku beriya bûyerên Bihara Ereban bi welatên Ereb re têkiliyên xwe xweş bûn, piştî van bûyeran yekser li dijî van welatan siyaseteke din da pêşiya xwe.
Ji bo serokê rejima Sûriyê Beşar Esed ku timî digot “Esadê birayê min” û bi malbatî serdana Şamê dikirin piştî şerê Sûriyê gotina “Esedê kujer” bikar anî.
Li dijî Misirê jî heman siyaset meşand.
Erdoganê ji bo Sîsî digot “kujer, zalim, derbekar” dîsa got, “birayê min ê hêja”
Ji ber piştgiriya desthilata Erdogan ya ji bo rêxistina Ixwan deh sal bûn di navbera her du welatan de têkilî rawestiyabûn.
Erdogan li meydanan piştgiriya Mihemed Mursî û rêxistina Ixwanan dikir û her carê bi rakirina çar tiliyên xwe îşareta Rabîayê dikir.
Herdem dev davêt Ebdulfetah Sîsî û gotinên giran lê dikir.
Her carê li meydanan, li civînan û li ser kanalên televizyonan sond dixwar û digot,
“Ez ti caran bi Sîsî re hevdîtinê nakim, ji ber ew zalime, kujere û derbekar e.”
Lê Erdogan ji sala 2023’an ve weke ku ev gotinên xwe ji bîr kiribe careke din kete nava tevgerê ku bi Sîsî re hevdîtinê bike.
Piştî demeke dirêj Erdogan û Sîsî li Qatarê di dema Kupa Cîhanê û meha Îlonê ya par jî di Civîna Bilind ya G-20’an de li Hindistanê hatin cem hev.
Duh li Misirê ji Sîsî yê ku jê re digot, zalim,kujer û derbekar, careke din got “birayê min ê heja”
“Hin kes timî dibêjin Erdogan çima bi Sîsî re hevdînê nake. Ez bersiva wan didim, ez bi kesekî wiha re tu car hevdînê nakim.”
“Yên ku bi wî re hevdînê bikin jî divê bizanibin ew ê di dîrokê de cuda bên nirxandin.”
“Piştî 12 salan careke din bi hatina Misirê gelekî kêfxweş im.”
“Me konseya xwe ya stratejîk a hevkariyê derxiste asta serokomaran.
Ez birayê xwe yê hêja Sîsî ji bo civîna me ya konseyê vedixwînim Enqereyê.”
Erdogan çû ber lingên Sîsî ku timî jê re digot, ‘derbekar û zalim’
