Şerê li Xezayê di rojeva cîhanê de ye û têkildarî hebûna Hemasê niqaş dewam dikin.
Wezîrê Karên Derve yê Misirê Semih Şukrî bi cih bûna Hemasê ya li Xezayê de Îsraîl berpirsyar dît.
Wezîrê Karên Derve yê Filistînê jî diyar kir li Xezayê paqijiya etnîkî û qirkirin tê kirin.
Brezilyayê jî Îsraîl şibande Naziyên Almanyayê û bi qirkirinê tawanbar kir.
Nêrîn û nirxandinên derbarê şerê Hemas û Îsraîlê de didomin lê di meriyetê de di guhertin pêk nayê.
Wezîrê Karên Derve yê Misirê Semih Şukrî li Konferansa Ewlekariyê ya Munihê li ser şerê li Xezayê û sedemên xurtkirina Hemasê axivî.
Şukrî Hemas ne weke hêza çareseriyê lê weke beşek ji pirsgirêkê pênase kir û wiha got,
“Derbarê pêşeroja Hemasê de fikarên min hene. Ger Hemas di tundiyê de israr bike danûstandinên ji bo çareseriyê wê encam negire. Pirsgirêk bi danûstansdinan dikarin çareser bibin.”
Şukrî bi cih bûna Hemasê ya li Xezayê de Îsraîl berpirsyar dît û pirsa , “Kî ji vê berpirsyar e û çima li Xezayê piştgiriya darayî tê dayîn.”?
Şukrî da zanîn armanca sereke parçebûna di navbera Hemas û Rêveberiya Filistînê, Rêxistina Rizgariya Filistînê û rêxistinên de kûrkirin bû.
Semih Şukrî armanca Îsraîlê ya bi dawîkirina îdeolojiya Hemasê jî şermezar kir û diyar kir divê armanca sereke ew be ku gelên Filistîn û Îsraîlê di nava aştî û aramiyê de bi hevre bijîn.
Malikî: Li Xezayê qirkirin tê kirin, divê dagirkeriya Îsraîlê bi dawî bibe
Dîwana Edaletê ya Navnetewî dest bi rûniştinên derbarê îdiayên li ser dagirkirina xaka Filistînê ji aliyê Îsraîlê ve kir.
Wezîrê Karên Derve yê Filistînê Riyad El Malikî li dîwanê diyar kir li dijî gelê Filistînê paqijiya etnîkî û qirkirin tê kirin û wiha got,
“Îsraîl li dijî bîryarên Dîwana Edaletê ya Navnetewî a ji bo pêşîgirtina qirkirina li Xezayê derdikeve. Li Xezayê qirkirin tê kirin û divê dagirkeriya Îsraîlê bi dawî bibe.”
Brezilyayê Îsraîl şibande Hitler û bi qirkirinê tawanbar kir
Serokwezîrê Brezilyayê Lûla Da Sîlva ku beşdarî Konferansa Yekîtiya Efrîka ya li Etîyopyayê bû têkildarî şerê li Xezayê axivî.
Da Sîlva Îsraîl bi qirkirinê tawanbar kir û wiha got,
“Li Xezayê tişta ku tê serê Filistîniyan di dîrokê de mînaka wê tune. Ya rast ev yek tenê dema ku Hîtler bîryara kuştina Yahûdiyan da pêk hat. Ya li Xezayê diqewime ne şer e, qirkirine.”
Îsraîl: Gotinên Lûla hewldana êrişê ya li dijî gelê Yahûdî ye
Îsraîlê jî bertekên tund nîşanî van gotinên Serokwezîrê Brezilyayê Lûla Da Sîlva da û şermezar kir.
Serokwezîrê Îsraîlê Binyamîn Netanyahû gotinên Da Silva weke şerm bi nav kir û got,
“Ev gotin, girîng nedîtina qirkirina Yahûdîyane û hewldana êrişa li dijî gelê Yahûdî û parastina rewa ya Îsraîlê ye. Danîna ber hev ya Îsraîlê û Hîtler derbaskirina xeta sore.”
Konfedarasyona Îsraîlê ya Brezilyayê jî bi daxuyanîyekê diyar kir gotinên Da Sîlva berevajîkirina rastiyane û ziyanê dide qurbaniyên qirkirinê.”
Îsraîlê li Xezayê êrişên giran pêk anîn: 127 kes hatin kuştin
