Îngîlîstanê pakêtek nû ya alîkariyê ku tê de antî tank jî hene ji Ukraynayê re ragihand.
Her wiha Danîmarka jî peymana ewlehiyê bi Ukraynayê re îmze kir, hemû çekên xwe yên topavêj radestî artêşa Ukraynayê kir.
Di 22’ê Sibatê de, Înglîstan pakêtek nû ya alîkariya leşkerî ji Ukraynayê re ragihand.
Di pakêtê de bi taybetî çekên antî-tank hene.
Di daxuyaniya Wezîrê Parastinê yê Îngilistanê Grant Shapps da wiha hat gotin:
“Îro em komeke nû ya ji 200 moşekên Antî-tank Brimstone dişînin da ku parastina Ukraynayê bêtir xurt bike.”
Grant Shapps anî ziman ku mûşekan berê bandoreke girîng li meydana şer kiribûn ku leşkerên Rûsî neçar mabûn ji deverekî vekişin.
Her wiha Shapps got:
“Ingîlîstan ligel hevalbendên xwe yên din dê hêzên din ên Ukraynayê perwerde bikin û bi hev re dê 10 hezar kesên din di nîvê yekem a sala 2024’an de perwerde bikin.”
Danîmarka bi Ukraynayê re peymana ewlehiyê îmze kir
Hikûmeta Danîmarkayê ku hemû çekên xwe yên topavêj radestî artêşa Ukraynayê kir, pakêteke nû ya alîkariya leşkerî ya bi qasî 250 milyon dolarî ji Ukraynayê re ragihand.
Hikumeta Danîmarkayê da zanîn ku bi Ukraynayê re peymaneke ewlekarî ya 10 salan hatiye îmzekirin.
Serokwezîrê Danîmarkayê Mette Frede-riksen destnîşan kir ku Danîmarka yek ji wan welatan e ku herî zêde piştgirî dide Ukraynayê.
Frede-riksen got,
“Danîmarka ji bo Ukraynayê pakêteke din a alîkariyê qebûl kir.
Danîmarka sînyaleke pir zelal dişîne ku piştgiriya xwe ya ji bo Ukraynayê bênavber e.
Ûkrayna dikare ji bo deh salên pêş me piştgiriya Danîmarkayê bike.
Heman tişt ji bo gelek welatên din jî derbasdar e.”
Wezîrê Parastinê yê Danîmarkayê Troels Lund Poulsen diyar kir ku lêçûna pakêta nû ya alîkariyê 1,7 mîlyar kronên Danîmarkî ye.
Poulsen da zanîn ku ev destpêşxerî bi hevkariya hevpeymanên din, di nav de Holanda û Komara Çek, tê kirin.
Wezîr her wiha anî ziman ku ji bo piştgiriya leşkerî heta sala 2028’an diravên destpêkê hatine veqetandin.
Poulsen her wiha got, yekem beşê balafirên şer ên F-16 ên Danîmarkî dê vê havînê bigihin Ukraynayê.
