Çend rojên din û wê krîza Sûriyê derbasî sala xwe ya 14’an bibe.
Li ser vê, Sekreterê giştî yê NY Antonio Guterres got,
Divê çareseriya krîz Sûrî li gorî biryara 2254’an bibe.
Çeteyên DAIŞ’ê ji serê salê ve li çolistana Sûriyê 195 kes kuşine.
5 roj mane ku şoreşa Sûrî ya 2011’an despê kirî, sala xwe ya 13’an biqedîne.
Di nava van salên bi şer de, bi sed-hezaran hatin kuştin, birîndarbûn, milyonan koçber û penaber bûn.
Lê heta niha asoyên çareserkirina vê aloziyê ya ji bo demek nêz xuya nake.
Sekreterê Giştî yê Neteweyên Yekbûyî (NY) Antonio Guterres bi nêzîkbûna salvegera 14’an a şoreşê re, daxuyaniyek da û got:
“Divê hêviyên rewa yên gelê Sûriyeyê bên pêkanîn.
Bi rêya wê serdestî, yekitî û serxwebûna Sûriyeyê li gorî biryara NY`yê ya bi hejmar 2254’an bê bidestxistin.
Şert û mercên baş ji bo vegera dilxwazî ya penabaran bê peydakirin.”
Guterres destnîşan kir ku divê çareseriya siyasî sivîlan biparêze, stratejiyekê ji bo têkoşîna li dijî terorê li gorî qanûnên navneteweyî û mafên mirovan bê danîn û bi lez xebatên ewlekirina jiyanê li Sûriyê, bên fînansekirin.
Guterres di dawiyê de, wiha got:
“Girtin, windakirin û îşkence berdewam in û li pêşiya aştiya daîmî ya Sûriyeyê kelem in.
Divê her kes berpirsyariya xwe bîne cih, mijara revîna ji hesabpirsînê bi dawî bibe.
Dem hatiye ku aliyên sereke yên navneteweyî tev bigerin û pêwîstiyên sûriyeyiyan bînin cih.”
Li xetên şer yên Laziqiyê leşkerkî hikumeta Şamê hat kuştin
Li herêma qaşo “bêçek” qet dengê şer lê nesekinî ye.
Çavdêriya Sûrî balafirên bêmirov ên hikumeta Şamê 4 caran li pey hev li dijî herêmên di bin kontrola çeteyên “Heyet Tehrîr El Şam” de êriş pêk anîn.
Di encamê de gelek kuştî û birîndar hene.
Vê sibê jî leşkerekî hikumeta Şamê di encama topbararan çeteyan li derdora Laziqiyê de hate kuştin.
Ji serê salê ve di êrişên DAIŞ’ê de 195 kes hatin kuştin
Çeteyên DAIŞ’ê bi sala nû re êrişên xwe yên li nava xaka Sûrî zêdetir kir.
Navenda Çavdêriya Mafên Mirovan a Sûriyê bîlançoya sûcên çeteyên DAIŞ’ê ji serê salê ve eşkere kir.
Li gorî wê, ji destpêka salê ve çeteyên DAIŞ’ê 70 êriş bi rêbazên kemîn, teqîn û armanckirina erebeyan li herêmên cuda yên çolistana Sûriyeyê pêk anîn.
Di encamê de, ji aliyan 195 kes kuştine.
Ji wan 32 welatî, 141 endamên hêzên hikumeta Şamê û komên alîgirên wê û 22 çeteyên DAIŞ`ê ne
