Êrîşên du alî ya Rusya û Ukraynayê didome.
Artêşa Ukraynayê hewl dide bikeve heremê Belgorod û Kurskê.
Lê bi bersivdana hêzên Rûsî ev hewldan hatiye têkbirin.
Li aliyê din jî Rûsya hejmara leşkerên bi pere yên biyanî ku li Ukraynayê hatine kuştin parve kir.
Li gorî Wezareta Parastinê ya Rusyayê herî kêm 13 hezar û 387 leşkerên biyanî li aliyê Ukraynayê şer kirin.
Rêveberiya Moskowê ragihand ku hemû hewldanên pêkhateyên alîgirên Ukraynayê ku beriya hilbijartinên serokatiya Rûsyayê êrîşên xwe zêde kirine, ji bo kontrolkirina herêmên li aliyê Rûsyayê yên li ser sînor, hatine astengkirin.
Wezareta Parastinê ya Rûsyayê got,
“Ji 12 heta 14’ê Adarê, di sê rojên dawî de, Hêzên Çekdar ên Rûsyayê hemû hewldanên çekdarên Ukraynayê yên ji bo ketina herêmên Belgorod û Kurskê yên Federasyona Rûsyayê pûç kirin.”
Rûsya leşkerên bi pere yên biyanî ku li gel Ukraynayê şer kirine parve kir
Rûsyayê hejmara leşkerên bi pere yên biyanî ku li Ûkraynayê hatin kuştin parve kir.
Di daxuyaniya ku ji aliyê Wezareta Parastinê ya Rûsyayê ve hat dayîn de hat diyarkirin ku di şerê 24’ê Sibata 2022’yan de dest pê kir de herî kêm 13 hezar û 387 leşkerên biyanî li aliyê Ukraynayê şer kirin.
Hat îdiakirin ku ji van leşkeran 5 hezar û 962 kes mirine.
Li gorî agahiyên ji aliyê Kremlînê ve hatin parvekirin, herî zêde leşkerên biyanî ji Polonyayê çûn eniya Ukraynayê.
Ji 2 hezar 960 leşkerên bi pere yên Polonî ku ligel hêzên Kîevê şer dikin, hezar û 497 hatin kuştin.
Di daxuyaniyê de hate destnîşankirin ku Gurcistan piştî Polonyayê hatiye û ji hezar û 042 leşkerên Gurcistanê 561 ji wan hatine kuştin.
Amerîka di rêza sêyemîn de cih girt.
Hat ragihandin ku ji hezar û 113 leşkerên bi pere yên Amerîkî yên ku çûne eniyê 491 ji wan hatine kuştin.
Kanada piştî Amerîkayê tê. Hat îdiakirin ku ji hezar û 5 leşkerên ku ji Kanadayê ji bo piştgiriyê bidin Ukraynayê çûne eniyê, 422 kes ji wan hatiye kuştin
Jens Stoltenberg banga alîkariyê ji bo Ukraynayê kir
Sekreterê Giştî yê NATOyê Jens Stoltenberg bang li endamên Hevpeymaniyê kir ku zêdetir cebilxane û çekan bişînin Ukraynayê.
Stoltenberg li avahiya NATO’yê derbarê rapora fealiyetên 2023’an a Yekîtiya Ewropayê de civîneke çapemeniyê li dar xist.
Sekreterê Giştî yê NATO’yê diyar kir ku ji bo hevalbendan lezgîn e ku piştgiriyê bişînin Ukraynayê û got,
“Em xwedî kapasîte û aboriyê ne ku em ji Ukraynayê re tiştên pêwîst pêşkêşî bikin.”
Macron: Bi serkeftina Rûsyayê dê pêbaweriya Ewropayê bikeve sifirê
Serokomarê Fransayê Emmanuel Macron êvara Pêncşemê di weşana hevpar a televizyona France 2 û TF1 de hişyarî da ku eger Rûsya di şerê Ukraynayê de bi ser bikeve, ew ê pêbaweriya Ewropayê lewaz bibe.
Macron got,
“Eger Rûsya di şer de bi ser bikeve, pêbaweriya Ewropayê wê dakeve sifirê.
Divê em bibêjin ku em amade ne bersivê bidin zêdebûna rageşiya Moskowê.”
