Dewleta Tirk xwe ji bo êrişekê li dijî Başûrê Kurdistanê amade dike.
Aniha, bi Iraq û PDK’ê re dicive da ku wan beşdarî şer bike.
Rojnameya Şerq El-Ewset got ku “dixwaze herêmeke ewlekariyê bi kûrahiya 40 Km li hindirê axa Iraqê xêz bike”
Her wekî guman hene ku Heşda Şeibî jî li kêleka Iraq û hêzên PDK’ê beşdarî vî şer bikin.
Wekî Sûriyê û Rojavayê Kurdistanê, dagirkeriya Tirkiyê li dû herêmeke 30-40 KMyan di nava axa Iraq û Başûrê Kurdistanê de ye.
“Dagirkeriya Tirkiyê herêma garê dixwaze”
Rojnameya Şerq El-Ewst diyar kir ku “herdu aliyan li ser pêkanîna operasyoneke bajayî li dijî PKK’ê gotûbêj kiriye”
Li dû wê jî xêzkirina korîdoreke ewlekariyê bi dirêjahiya 378 km û kûrahiya 40 KM’yan e.
Heman jêderê got ku “berê vê operasyonê li çiyayê Garê ye”
Garê jî, Dihok, Hewlêr, Mergesor, Amediyê û Berwarî bi hev girê dide û li ser Deşta Mûsilê serwer e.
Lewra, derdê dagirkeriya Tirkiyê ew e ku vê devera stratejîk dagir bike.
Fûad Hisên jî idia kir ku “civîneke dewlemend li gel berpirsên Tirk pêk anîne”.
“Tirkiye fişarê li Iraqê dike”
Lê belê, rojnameya Şer El-Ewset dibêje ku “Tirkiyê bi dosya avê û enerjiyê zextê li Iraqê dike da ku wê beşdarî şer bike”.
“Guman hene Heşda Şeibî têkeve operasyonê”
Li tenişta wê, nivîskara Tirk Hediye Levent di gotara xwe ya di rojnameya “Evrensel” de, got ku “hewldan hene da ku Heşda Şeibî jî beşdarî vê operasyona leşkerî bibe”
Hêzên PDK’ê li baregeha dewleta Tirk tên perwedekirin”
Berî van geşedanan, li ser sînorê Bakur û Başûrê Kurdistanê hevdîtinek di navbera hêzên girêdayî PDK’ê û efserên Tirk de pêk hat.
Lê belê, wekî ku hevdîtin li gel hêzên parastina sînor a Iraqê çêbûye, rayedarên Tirk ew bûyer nîşan da.
Li hember wê jî, Navenda Lêkolîn.Org eşkere kir ku “vê gavê koma bi navê “Roj” li baregeha Başîqa” ya dagirkeriya Tirkiyê tên perwedekirin da ku beşdarî şer bibin.
Nexasim ku çend civînên berpirsên Tirk li gel rayedarên PDK’ê Mesrûr Barzanî, Nêçîrvan Barzanî û Mesûd Barzanî pêk hatine.
Hingî, behsa lihevkirinên ewlekariyê kirin.
Fermandarê Biyargeha Navenda Parastina Gel Mûrad Karayilan jî hişyarî da Iraqê ku “Tirkiye wê dagirkeriya xwe berfireh bike”..
