Şerê li Sûrî 13 salên xwe tejî dike.
Di wextekî wiha de, li nava welat ji bo yek-girtin û çareseriyê, destê Rêveberiya xweser li hewayê dimîne.
Hevserokên Rêveberiya Xweser û Meclisa Sûriya Demokratîk MSD’ê jî bi boneya rojê careke din, gotin: Em li gorî stratejiyeke neteweyî ber bi Sûriyeya ne-navendî ve dixebitin.
Em ji diyalogan re amade ne.
Hevserokê Meclisa Rêveber a Rêveberiya Xweseriya Demokratîk a Herêma Bakur û Rojhilatê Sûriyê Hisên El-Osman diyar kir ku sala 2011’an, sala guhertina dîrokî li Sûriyeyê bû û got:
“Di wê salê de, xwepêşandanên mezin ji aliyê pêkhateyên Sûriyê ve lidar ketin û banga guhertinê, edaletê, wekheviyê û azadiyê kirin.”
El-Osman di hevpeyvîna xwe ya li gel ajansa Hewarê de, ev tişt anî ziman:
“Gelek aliyan hewl dan şoreşê ji sloganên wê yên bingehîn dûr bixin ku Sûriyeyî li ser li hev dikin û di armanca xwe de bi ser ketin, şoreş bi çek kirin û ji ber wê, alozî kûrtir bû û komên tundraw derketin holê.
Ji ber wê, Rêveberiya Xweser li ser bingeha parastina yekitiya Sûriyeyê û pêkahteyên wê, îsniyatîfek ragihand.”
Rêveberiya Xweser: Em ji diyalogê re amade ne
Osman ev li gotinên xwe zêde kir:
“Rêveberiya Xweser hewl dide bi tevahî rêbazan bi sûriyeyiyên ku bi demokrasiyê û pirengiyên bawer dikin re, diyalogê bike ji bo ku ev alozî bi dawî bibe.
Em amade ne, diyalogê bi tevahî aliyên Sûriyê re bikin ji bo ku ji vê aloziyê xilas bibin.”
Osman ji bo dawî hatina li kirîzê bang xebateke hevkar a Sûriyan kir.
MSD: Em li gorî stratejiyeke neteweyî ber bi Sûriya nenavendî ve dixebitin
Hevseroka Meclisa Sûriya Demokratîk MSD’ê Leyle Qereman jî li ser heman mijarê ji ajansa Hewarê re axivî û wiha got:
“Bi salvegera 13’emîn a şoreşa Sûriyeyê re, em dikarin bi ser bikevin û bigihînin Sûriyeke ne-navendî, pirreng û demokratîk ku tê de hemû Sûriyeyî bibin yek.
MSD’ê projeya rasteqîn a Sûriyeyî ye, dikare armancên gelê Sûriyeyê pêk bîne.
Ji roja yekê li Derayê ve MSD’ê projeya Sûriyeyî bû.”
Têkildarî rewşa deverên dagirkirî yên Sûriyê û sûcên dewleta Tirk a dagirker jî Leyle Qereman ev tişt anî ziman:
“Em vê dagirkeriyê û guhertina demografîk a ku dagirker pêk tîne bi temamî red dikin.
Dewleta Tirk a dagirker pîvan û qanûnên navneteweyî li deverên dagirkirî bin pê dike.”
Hevseroka MSD’ê Leyle Qereman jî anî ziman ku ew ji bo çareserkirina krîza heyî bi awayekî aştiyane ji diyaloga bi hemû aliyan re, amade ne.
Leyle Qerehman: Em li gorî stratejiyeke neteweyî ber bi Sûriya nenavendî ve dixebitin
