Hewldana dewleta Tirk a dagirker ku destesekirina şaredariyên gel li herêmê jî bi tundî hat şarmezarkirin.
Xelkên kantona Cizîrê piştgiriya xwe ji bo berxwedana gelê li Tirkiye û Bakurê Kurdistanê nîşan da û got:
Ew bi her kesê ku piştgiriyê fikra demokrasî, edalet wekheviyê dikin re ne.
Piştî ku şaredariya bajarê mezin a Wanê ku di hilbijartinan de namzetê DEM Partî bidest xistibû ji aliyê AKP’ê ve hat desteserkirin.
Bi vê re li herêmê bertek û nerazîbûn derketin.
Şêniyên Qamişlo ji bo destekdayîna DEM Partî û serhildana bajarê Wanê daketin qadan.
Piştî meşê Hevseroka Şaredariya Gel a Qamişlo Emel Şemdîn daxuyanî xwend û Serkeftina gel a Bakûrê Kurdistanê pîroz kir.
Emel Şemdîn serhildana gelê Bakûr a dijî zordariya dewleta Tirk silav kir û got ku ew ê heta dawiyê piştgiriya wan bikin.
Bi heman daxwazê Meclis û şaredariyên bajarê Dêrik û navçeyên girêdayî bajêr, daxuyaniyên cuda dan.
Hate diyarkirin ku AKP bi vê kiryara li Wanê kiriye, dixwaze rê li pêşiya pêkanîna demokrasiyê li Tirkiyeyê bigire.
Li Girkê Legê jî daxuyaniyek hate dayîn.
Xelkên Girê legê eşkere kirin ku serketina mezin a Partiya DEM PARTY derbeyek giran li Erdogan û Partiya wî tirsandiye û hestên Tûranîst ên sûcdar ên lêdan û kuştinê di wî de şiyar kiriye.
Di dawiya daxuyaniyê de hate destnîşankirin ku gel li cem her kesê ku piştgiriyê fikra demokrasî, edalet wekheviyê ye.
Şaredariyên gel ên Hesekê û navçeya wê Til Temir bi daxuyaniyên cuda serkeftina DEM Partiyê pîroz kir û wiha hate gotin:
“Ji encamên hilbijartinan diyar bû ku gel ku guhertinê dixwaze û siyaseta AKP`ê red dike û ji cîhanê re peyameke diyar e ku gel ji Erdogan û partiya wî ne razî ye.
Em piştgiriya nemzetên DEM Partiyê yên ku di hilbijartinan bi ser ketin û vîna gelê Bakurê Kurdistanê dikin ku siyaseta AKP’ê red dikin.”
Di dawiyê de bang li platformên hiqûqî yên navneteweyî hat kirin ku kiryarên hovane yên dewleta Tirk rawestînin û destwerdanê bikin, ji bo ku AKP vîna gelan careke din kontrol neke.
DEM Partiyê ji bo Wanê serî li Lijneya Bilind a Hilbijartinê da
