Wezîrê Karên Derve Hakan Fîdan ji bo hevkariyê bi rayedarên Iraqê re bikin 13’ê vê mehê çûn Bexdayê.
Çavdêr û welatiyên Bexdayê nerazîbûn nîşanî serdana Fîdan a ji bo Iraqê dan û wiha gotin: “Ji bo rawestandina binpêkirinên berdewam ên serweriya welatê me, divê serdan were rawestandin.
Divê li dijî Tirkiyê gavên rasteqîn ên hikûmetê bên avêtin.
Divê serî li Konseya Ewlekariyê ya Neteweyên Yekbûyî bê dayîn û giliyê Tirkiyê bê kirin.”
Dewleta Tirk a dagirker bi hevkariya PDK’ê ji bo tunekirina destkeftiyên gelê Kurd amadekariyê şerekî nû dike.
Her wiha hewl dide Iraqê jî tevlî vê armanca qirêj bike.
Di vê çarçoveyê de, Wezîrê Karên Derve Hakan Fîdan, Wezîrê Parastinê Yaşar Guler û Musteşarê MÎT’ê Îbrahîm Kalin ji bo hevkariyê bi rayedarên Iraqê re bikin 13’ê vê mehê çûn Bexdayê.
Çavdêr welatiyê Bexdayê nerazîbûn nîşanî serdana Fîdan a ji bo Iraqê dan
Çavdêr û welatiyên Bexdayê nerazîbûn nîşanî serdana Wezîrê Karên Derve yê Tirkiyê ji bo Iraqê dan.
Welatiyê Bexdayê Mihemed Meyahî destnîşan kir ku ew serdana wezîrê derve yê Tirkiyê red dikin û got:
“Em li hember bêdengiya serokwezîrê Iraqê, wezîrê derve û Encûmena Asayişa Navdewletî matmayî mane.
Iraq salane bi milyar dolaran bazirganiya xwe bi Tirkiyê re dike, ku ew kartek herî giringe zextê li dijî Tirkiyê bike.
Divê hinardekirina kelûpelan ji Tirkiyê were rawestandin.
Ji ber ku Tirkiye ji bilî çêkirina baregehên leşkerî li nava Iraqê, ji bo qutkirina ava Iraqê gelek bend ava kirine.”
Ebû Elî: Em qebûl nakin ti welatek sînorên Iraqê binpê bike
Welatiyê bi navê Ebû Elî jî derbarê heman mijarê de ev nirxandin kir:
“Komkujiyên ku Tirkiye li dijî herêmê pêk tîne ji aliyê gelê Iraqê ve tê şermezarkirin.
Em qebûl nakin ti welatek sînorên Iraqê binpê bike.”
Ebdula Kenanî: Divê hikûmet pêşwaziya ti berpirsekî Tirkiyê neke
Şîrovekarê Siyasî Ebdula Kenanî jî anî ziman ku ku divê hikûmet pêşwaziya ti berpirsekî Tirkiyê neke ji ber ku Tirkiye êrişî Iraqê dike û got:
“Divê rêz li serweriya Iraqê bê girtin.”
Elî Meyahî: Divê hikûmeta Iraqê welatiyên xwe biparêze
Çalakvanê Mafê Mirovan Elî Meyahî jî diyar kir ku divê hikûmeta Iraqê welatiyên xwe biparêze û li hember serdana Wezîrê Derve yê Tirkiyê helwestek cidî nîşan bide û wiha pê de çû:
“Divê li dijî Tirkiyê gavên rasteqîn ên hikûmetê bên avêtin.
Divê serî li Konseya Ewlekariyê ya Neteweyên Yekbûyî bê dayîn û giliyê Tirkiyê bê kirin.”
Dewleta Tirk a dagirker û PDK amadekariyên şerê li dijî gerîla dikin
