Ji ber êrîşên domdar ên Îsraîlê li Xezayê xeteriya xelayê heye.
Rojane aliyek hem ji êrîşan hem jî ji ber birçîbûnê mirov dimirin.
Rêveberiya Amerîkayê diyar kir ku ew ji ber xetereya xelayê ya li Xezayê bi fikar in.
Li hêlekî din jî ji bo agirbestê hevdîtinên rayedarên Îsraîl û Hemasê didomin, lê hîna negihiştine encamekî.
Berdevkê Wezareta Karên Derve ya Qeterê Mecîd el-Ensarî diyar kir ku Serokê îstîxbarata derve ya Îsraîlê David Barnea ji Dohaya paytexta Qeterê derket, lê danûstandinên agirbestê yên li Xezayê hê jî dewam dikin.
Ensarî da zanîn ku piştî muzakereyên sereke li ser ‘mijarên girîng’ nîqaş kirin, tîmên teknîkî hûrgiliyên lihevkirina muxtemel lêkolîn kirin û wiha dewam kir;
“Niha em di qonaxekê de ne ku em hêvî dikin ku pêşniyara dijber pêşkêşî Hamasê bikin, lê ev ne gava dawî ya pêvajoyê ye.
Nikarim bibêjim ku em gihiştine xalekê ku em nêzîkî lihevkirinê ne, ji ber vê hîn zû ye ku em serkeftinekê ragihînin.”
Cameron: Li Xezayê agirbest pêwîste lê divê hin şertan pêk bên
Li aliyê din Wezîrê Derve yê Îngîlîstanê David Cameron anî ziman ku ji bo azadkirina dîlên li Şerîda Xezayê pêwîst e nakokiyên di navbera Îsraîl û Hemasê de rawestin.
Cameron di dema serdana xwe ya Taylandê de wiha got:
“Tiştê ku divê em bi biryardarî bikin ev e ku em vê sekinandinê veguherînin agirbestek mayînde û domdar.
Divê em Hamasê ji Xezayê derxînin û binesaziya terorîstan ji holê rakin.”
Qesra Spî: Em xeteriya xelayê ya li ser Xezayê bi fikar in
Rêveberiya Amerîkayê diyar kir ku ew ji ber xetereya xelayê ya li Xezayê bi fikar in.
Berdevka Qesra Spî Karine Jean-Pierre derbarê rojeva Xezayê de daxuyanî da.
Berdevkê Jean-Pierre diyar kir ku bi têrkerî alîkariyên mirovî ji bo Xezayê nayên şandin, pêwîstî bi şandina alîkariyên zêdetir heye.
Jean-Pierre got:
“Me rapora duh dît ku tê gotin li Xezayê metirsiya xelayê heye û em ji vê yekê pir bi fikar in.
Li gorî rapora Neteweyên Yekbûyî hejmara alîkariyên ku digihêje xelkê Xezayê têrê nake.
Divê em piştrast bikin ku alîkariyan bi aramî û berdewamî derbasî Xezayê bibe.”
Berdevk amaje bi wê yekê jî kir ku ji bo agirbesteke di navbera Îsraîl û Hemasê de bi awayekî zêde dixebitin.
Her wiha Jean Pierre destnîşan kir ku eger agirbesteke demkî pêk were hem girtî dikarin bên berdan û hem jî alîkariyên mirovî yên pêwîst dê bigihêjin Xezayê.
