Dagirkeriya Tirkiyê bi êrîşên xwe yê balafirên bi mirov bi salan e Kurdan qetil dike.
Îro bi Fermandariya Biryargeha Navenda Parastina Gel bi daxuyaniyekê diyar kir ku derfeta bêbandorkirina balafirên bê mirov hatiye dîtin.
Di encama vê yekê de NPG got, 15 balafirên bê mirov yên cureyên cuda hatine xistin.
NPG îro bi daxuyaniyekî vê mizginiyê eşkere kir.
Fermandariya Biryargeha Navenda Parastina Gel dazanîn ku dewleta Tirk a qirker ku pişta xwe bi balafiren be mirov girêdaye û dixwaze bi teknîkê encam bigre lê gerîla vê yekê jî vala derxist û ev nirxandin kir:
“Rejîma faşîst a AKP-MHP’ê bi van makîneyên mirinê li Başûrê Kurdistanê û Rojava li gelek deverên cuda li hemberî xelkê me yê bêguneh bi dehan êrîş kir, bi sedan mirovên me qetil kir. Lê wê êdî nikaribe encam bigre.”
NPG’ê diyar kir ku gerilayên azadiyê derfetê ku balafirên bê mirov bêbandor bike ditin û wiha domand:
“Gerîlayên Azadiyê yên Kurdistanê li ser bingeha ruhê Newrozê nîşan da, plana dagirkeriyê ya faşîzmê ya li ser Başûrê Kurdistanê têk bir.
Tevî hemû hewldanên dijmin ên ji bo tecrîdkirina gelê me li qada navneteweyî, gelê Kurd sîstema fuze ya ji bo vî şerî pêwîst peyda kir û gihîşt wê astê ku dewleta Tirk bixe nava hevsengiyekê.
Gerîlayên Azadiyê yên Kurdistanê bûn xwedî wê derfetê ku balafirên bê mirov bêbandor bikin. ”
NPG: 15 balafirên bê mirov hatin îmhakirin
NPG’ê dazanîn ku hêzên wan ji 13’ê Sibata 2023’an û vir ve 15 balafirên bê mirov yên bi cûreyên cuda anîn xwarê û ev agahî dan.
“Hêzên me li herêma Zap, Qendîl, Garê 15 cûreyên balafirên bê mirov weke bayraktar, akinci, aksungur û anka yê anîne xwarê.
Dîmenên van balafirên bêmirov ku hatine xistin di destê me de ye.
Dîmen û belgeyên çalakiyan wê ji aliyê Navenda Ragihandin û Çapemeniyê ya HPG’ê re ji gelê me yê hêja û raya giştî re were weşandin.”
NPG’ê anî ziman ku di wê pêvajoya dîrokî de wê bi erkên xwe rabin û got:
“HPG’ê wê bi rola ku dikeve ser milê xwe rabe, bi armanca azadiya Rêber Apo wê li gorî ruhê demê li ser xeta rast wezîfeyên xwe yên demê bi serkeftî bi cih bîne.
Îro potansiyela me ya şerkirinê ya bi derfetên taktîk û teknîkê û performansa bilind, biryardariya me ya teqezkirina serkeftinê hîn xurttir bûye.”
