Konfedrasyona Rêxistinêna Civaka Demokratîk a Herêma Bakur û Rojhilatê Sûriyê navê xwe guhert û kir Konfederaliya Rêxistinên Civaka Demokratîk:
Her weha desteyeke rêveberiyê û koordînasyonek hat hilbijartin.
Meclisa Giştî ya Konfederasyona Rêxistinên Civaka Demokratîk a Herêma Bakur û Rojhilatê Sûriyê civîna xwe ya yekemîn li Hola Mişwar a li Reqayê li dar xist.
Endamên meclisê, endamên yekitiyên girêdayî wê, hevserokên meclisê û hevserokê TEV-DEM Xerîb Hiso tevlî civînê bûn.
Ji Konfederasyonê bû Konfederaliya Rêxistinên Civaka Demokratîk
Di civînê de guhertina navê konfederasyonê hate erêkirin û bû “Konfederaliya Rêxistinên Civaka Demokratîk a Herêma Bakur û Rojhilatê Sûriyê”.
Her wiha ji bo desteya konfederaliyê 4 endam û ji bo koordînasyonê jî 29 endam hatin hilbijartin.
Di civînê de berpirsên nivîsgehên konferederaliyê jî hatin erkdarkirin.
Ji bo komîteya çavdêriya hundirîn jî 6 endam hatin hilbijartin.
Dawiya civînê plansaziya kar û xebatên bê ya konfederaliyê hate diyarkirin.
